காரைக்கால் நகர திட்ட அலுவலராக பணியாற்றிக் கொண்டிருக்கும் இவர், நியூட்ரீசியன் துறையில் வல்லுநர். ஆரோக்கிய உணவுகள் குறித்து நிறைய எழுதியுள்ள இவர், உணவு சம்பந்தமான பல்வேறு செயல் விளக்க நிகழ்ச்சிகளை, மகளிர் குழுக்களுக்காக நடத்தி வருகின்றார். பல சமையல் போட்டிகளுக்கு நடுவராக பணியாற்றி முன் அனுபவம் நிரம்பப் பெற்றவர்.

இப்போட்டி நடைபெற பெரிதும் துணையாய் இருந்த ரினைய்சன்ஸ் ட்ரஸ்டின் செயலாளர். இவர் வங்கி ஒன்றில் பணியாற்றி வருகின்றார். சமையலில் மிகுந்த ஆர்வம் கொண்டுள்ளவர். ஏராளமான சமையல் புத்தகங்கள் இவர் வீட்டு நூலகத்தில் உள்ளன. விதவிதமாக சமைத்து சாப்பிடுவதுதான் எனது பொழுதுபோக்கு என்று கூறும் இவர், மல்லிகா பத்ரிநாத்தின் தீவிர ரசிகை.

காரைக்கால் நகரில் மிகவும் புகழ் வாய்ந்த முத்துப்பிள்ளைஸ் ரொட்டிக்கடையின் உரிமையாளர். உணவுத்துறையில் நீண்ட அனுபவம் கொண்டவர். பேக்கரி தொழில் குறித்த ஆழ்ந்த ஞானம் கொண்டவர். காரைக்கால் நகர மக்களுக்கு நன்கு அறிமுகமான, தொண்டார்வம் மிக்க சேவையாளர்.

அமெரிக்கா, ஐரோப்பிய நாடுகள், கிழக்காசிய நாடுகள் என்று பல நாடுகளில் சமையல் கலை நிபுணராக பணியாற்றிய இவர், கடந்த 11 வருடங்களாக, நாகூரில் நேஷனல் கேட்டரிங் கல்லூரி என்ற பெயரில் சமையல் கலைப் பயிற்சி கல்லூரியினை நடத்தி வருகின்றார். இந்த வருடம் காரைக்கால் நகரிலும் அதே பெயரில் ஒரு கல்லூரியினைத் தொடங்கியுள்ளார். இந்த சமையல் துறையையே சுவாசித்துக் கொண்டிருப்பவர்.

காரைக்கால் திட்ட ஆராய்ச்சி மையத்தில் இணை இயக்குநராக பணிபுரிபவர். பெரிய பதவியில் இருந்தாலும் மிக எளிமையாய் இருப்பவர். கிரிக்கெட் ஆர்வலர். மிகச் சிறந்த பேச்சாளர். மெல்லிய குரலில் மென்மையாய் பேசும் இவர் பேச்சில், நகைச்சுவை இழைந்தோடும். காரைக்கால் நகரில் இப்போட்டி நடைபெற எல்லா வகையிலும் துணை நின்று உதவியவர்.

காரைக்காலைச் சேர்ந்தவர் என்றாலும் தற்போது வசிப்பது ஃப்ரான்ஸில். அங்குள்ள ஃப்ரான்ஸ் வாழ் இந்திய குடிமக்கள் சங்கம் ஒன்றிற்கு தலைவராக இருப்பவர். சிறந்த தொண்டார்வலர்