• இந்த ஐசிங் சீக்கிரமாக இறுகிவிடும்
• இந்த கலவையை கேக்கின் மேல் விடும்போது கத்தியைப் பயன்படுத்தக் கூடாது. தானாகவே பரவிவிடும்.
• இந்த ஐசிங்கை கொதிக்க விடக்கூடாது. கொதிக்க விட்டால் இதன் பளபளப்பு குறைந்து விடும்.
• அதிக அளவு தண்ணீர் கலந்தால் ஐசிங் கேக்கின் மேல் ஒட்டாமல் போய்விடும்.
• மிகுந்த கெட்டியாக இருந்தால் ஐசிங் கேக்கின் மேல் பாகத்தில் பரவாமல் அப்படியே இறுகிவிடும். பதமாக இருக்க வேண்டும்.
  இது கேக்கின் மேல் தடவுவதற்குத்தான் உபயோகம்.

1, ஆரஞ்சு அல்லது எலுமிச்சம்பழ ஐசிங் (Orange or Lemon Icing)
தேவையான அளவு சர்க்கரையுடன் 2 தேக்கரண்டி ஆரஞ்சுப் பழரசம், 2 துளிகள் ஆரஞ்சு கலர் போட்டு மேற்சொன்னபடி செய்யவும். எலுமிச்சம்பழரசம் அரை தேக்கரண்டி, 2 தேக்கரண்டி தண்ணீர், 2 துளிகள் மஞ்சள் கலர் சேர்த்து முன் சொன்னமாதிரியே செய்யவும்.

2, பைனாப்பிள் ஐசிங் (Pineapple icing)
பதப்படுத்தப்பட்ட பைனாப்பிள் டின்னில் உள்ள ஜுஸ் 2 மேசைக்கரண்டி, 2 துளிகள் பைனாப்பிள் எசன்ஸ், 2 துளிகள் பச்சைக் கலர் சேர்த்து மேற் சொன்னபடி செய்யவும்.

3, ராஸ்ப் பெர்ரி ஐசிங் (Rasperry Icing)
ராஸ்ப் பெர்ரி எசன்ஸ் சில துளிகள், ராஸ்ப் பெர்ரி கலர் 2 துளிகள், 2 மேசைக்கரண்டி தண்ணீர் சேர்த்து முன் சொன்னமாதிரி செய்யவும்.

சாக்லேட்டைச் சிறு துண்டுகளாக்கி வெண்ணெயுடன் சேர்த்து, தண்ணீருடன் கோகோவும் சேர்த்து ஒரு பாத்திரத்தில் போடவும். பாத்திரத்தை கொதிக்கும் தண்ணீரில் வைத்து உருக்கிக் கொள்ளவும். பிறகு ஆற வைத்து ஐசிங் சர்க்கரையை கையில் ஒட்டாமல் வரும் வரை சேர்த்துக் கொள்ளவும். பிறகு கேக்கின் மேல் பட்டைக் கத்தியினால் தடவவும். வெண்ணை ஐசிங்கை கேக்கின் மேல் சமமாகத் தடவ கத்தியை குளிர்ந்த நீரில் தோய்த்து உபயோகிக்கவும்.

செய்முறை:
ஐசிங் சர்க்கரையைச் சலித்துக் கொள்ளவும். முட்டை வெள்ளை கருவை ஒரு பாத்திரத்தில் எடுத்துக்கொள்ளவும். ஐசிங் கலப்பதற்கு பீங்கான் கிண்ணத்தை உபயோகிப்பது நல்லது. முட்டை வெள்ளையில் ஐசிங் சர்க்கரையை சிறிது சிறிதாக சேர்த்துக் கொண்டே தொடர்ந்து அடிக்கவும். எலுமிச்சம் பழச்சாற்றையும் சேர்க்கவும். சுமார் 10 நிமிடங்கள் வரை இதை நன்றாக அடிக்க வேண்டும். இந்த ஐசிங் கலந்து வைத்தால் மேலே ஈரத்துணியால் மூட வேண்டும். கேக்கின் மேல் தடவவும் இந்தக் கலவை சிறிது தளர்த்தியாக இருக்க வேண்டும்(இட்ட்லி மாவைப் போல்) கலவை மிகவும் தளர்ச்சியாக இருந்தால் கேக்கின் மேல் ஒட்டாது. இந்த ஐசிங் தடவுவதற்கு கேக்கின் மேல் பாகம் நன்றாக பளபளப்பாக இருக்க வேண்டும். இந்த ஐசிங் கலவையை கேக்கின் மேல் பாகத்திலும் செய்ய பட்டைக் கத்தியை இளஞ்சூடான தண்ணீரில் தோய்த்து மேலே சமமாக ஆகும்வரை தடவவேண்டும்.

இந்த ஐசிங்கில் பூ வேலை செய்ய கலவை சற்று விறைப்பாக இருக்க வேண்டும். பூ வேலை செய்யும் அச்சினால் கேக்கின் மேல்பக்கத்திலும் ஓரங்களிலும் கீழ்பக்கங்களிலும் பூ வேலை செய்யவும்.