Christmas New year greetings - Special cake biscuits recipes

சிறப்பு பக்கங்கள்

குறிப்பு: மேலே படத்தில் உள்ளது கீழே குறிப்பில் கொடுக்கப்பட்டுள்ள கேக் அல்ல.

பைன்ஆப்பிள் கேக் (Pineapple cake)
தேவையானப் பொருட்கள்
மைதா மாவு	150 கிராம்
முட்டை	3
வெண்ணெய்	120 கிராம்
பொடித்த சர்க்கரை	140 கிராம்
பேகிங் பவுடர்	அரை தேக்கரண்டி
நன்கு பதப்படுத்திய அன்னாசிப்பழ வில்லைகள்	நான்கு
பைன்ஆப்பிள் எசன்ஸ்	சில துளிகள்
மஞ்சள் கலர்	சிறிது
செர்ரி பழங்கள்	6

செய்முறை

வெண்ணையையும் சர்க்கரையையும் நன்றாகக் குழைக்கவும்.
முட்டைகளை நன்றாக அடிக்கவும். அடித்த முட்டையை சிறிது சிறிதாக வெண்ணெய் கலந்து சர்க்கரை கலவையில் ஊற்றி தொடர்ந்தாற்போல் அடிக்கவும்.
பிறகு எசன்ஸ், கலர் சேர்க்கவும். பேகிங் பவுடரையும், மைதா மாவையும் இரு முறை சலித்த பிறகு அதையும் சேர்க்கவும்.
10 அங்குல கேக் தட்டில் 20 கிராம் வெண்ணெய்யை சமமாகத் தடவிக் கொள்ளவும்.
நாட்டுச் சர்க்கரை அல்லது வெல்லச் சர்க்கரையை மேலாக நன்கு சமமாகத் தூவி விடவும்.
பைனாப்பிள் வில்லைகளை கேக் தட்டின் அடிப்பாகத்தில் அழகாக வைக்கவும்.
நடுவில் செர்ரி பழங்களை பாதியாக வெட்டி வைக்கவும்.
அன்னாசி வில்லைகள் மேல் மேலே செய்த கலவையை மெதுவாகப் போடவும்.
பைனாப்பிள் வில்லைகள் நகராமல் இருக்க வேண்டும்.
375 டிகிரி F சூட்டில் சுமார் 35 இருந்து 40 நிமிடம் வரை பேக் செய்யவும்.
கேக் சிறிது ஆறிய பிறகு ஒரு தட்டில் ஜாக்கிரதையாக திருப்ப வேண்டும்.
தட்டில் கிழே உள்ள அன்னாசிப்பழ வில்லைகள், செர்ரி பழங்கள் கேக்கின் மேல் அலங்காரம் செய்தது போல் இருக்கும்.
வெல்லச் சர்க்கரை சூட்டில் கரைந்து அன்னாசிப்பழ வில்லைகளின் மேல் ஒரு பளபளப்பை கொக்கும்.