Christmas New year greetings - Special cake biscuits recipes

சிறப்பு பக்கங்கள்

குறிப்பு: மேலே படத்தில் உள்ளது கீழே குறிப்பில் கொடுக்கப்பட்டுள்ள பிஸ்கட் அல்ல.

உருளைக்கிழங்கு கார பிஸ்கட்டுகள் (Potato sticks)
தேவையானப் பொருட்கள்
வெண்ணெய்	80 கிராம்
வேகவைத்த உருளைக்கிழங்கு	80 கிராம்
மைதாமாவு	200 கிராம்
மிளகாய்ப் பொடி	கால் தேக்கரண்டி
உப்பு	கால் தேக்கரண்டி

செய்முறை

உருளைக்கிழங்கை நன்றாக வேகவைத்து பிசைந்து கொள்ளவும்.
மாவு, காரப் பொடி, உப்பு இவற்றை ஒன்றாகச் சேர்த்து சலிக்கவும்.
வெண்ணெய்யை நன்றாகக் குழைத்துக் கொண்டு அத்துடன் பிசைந்த உருளைக் கிழங்கைப் போட்டு நன்றாகக் குழைத்துக் கொள்ளவும்.
சலித்த மாவைக் கலந்து பூரிமாவு போல பிசையவும்.
அப்பளம் போல் இட்டு ஒரு அங்குல அகலம், இரண்டு அங்குல நீளத்திற்கு வெட்டிக் கொள்ளவும்.
வெட்டிய துண்டங்களை நெய் தடவி, மாவு தூவிய தட்டில் சிறிது இடைவெளி விட்டு அடுக்கவும்.
380 டிகிரி F சூட்டில் வைத்து சுமார் 20 நிமிடங்கள் வரை பேக் செய்யவும்.

வழங்கியவர்: திருமதி. கரோலின் இம்மானுவேல், கோயம்புத்தூர்.