Arusuvai - தேன் கொழுக்கட்டை

சிறப்பு பக்கங்கள்

தேன் கொழுக்கட்டை

கோதுமை மாவு ஒரு லிட்டர்

வெல்லம் அரை கிலோ

தேங்காய் ஒரு மூடி

ஏலக்காய் 5

நெய் 2 தேக்கரண்டி

காய்ந்த திராட்சை 20

முந்திரிப்பருப்பு 20

கேசரிப்பவுடர் கால் தேக்கரண்டி

உப்பு கால் தேக்கரண்டி

தேன் 2 அவுன்ஸ்

கோதுமை மாவைச் சலித்து அதனுடன் உப்பைக் கலந்து தண்ணீர் விட்டுக் கெட்டியாகப் பிசையவும்.
பிசைந்த மாவைப் பெரிய சப்பாத்திகளாக உருட்டவும். சப்பாத்திகளைச் சிறுசிறு துண்டுகளாகக் கத்தியால் கீறி எடுத்து அவை ஒன்றுடன் ஒன்று ஒட்டாமல் எடுக்க வேண்டும்.
ஏலக்காயைப் பொடி செய்யவும். முந்திரிப்பருப்பையும் காய்ந்த திராட்சையையும் நெய்யில் வறுக்க வேண்டும். தேங்காயைத் துருவிப் பால் எடுக்கவும்.
ஒரு பாத்திரத்தில் ஒன்றரை லிட்டர் தண்ணீர் விட்டுக் கொதிக்க விடவேண்டும்.
கொதிக்கும் தண்ணீரில் சப்பாத்தித் துண்டுகளை ஒன்றோடு ஒன்று ஒட்டாமல் ஒவ்வொன்றாகப் போட வேண்டும்.
எல்லாம் போட்டபின் தண்ணீர் கொதி வந்ததும் வெல்லத்தைத் தூள் செய்து போட வேண்டும்.
கேசரி பவுடரைச் சேர்க்க வேண்டும். மீண்டும் கொதித்ததும் தேங்காய்ப்பால், முந்திரிப்பருப்பு, திராட்சைப்பழம், ஏலக்காய்ப் பொடி, மீதமுள்ள நெய் முதலியவற்றைக் கலந்து மீண்டும் ஒரு கொதி வந்ததும் தேனை ஊற்றி இறக்க வேண்டும்.