Arusuvai - மசாலா கொழுக்கட்டை

சிறப்பு பக்கங்கள்

மசாலா கொழுக்கட்டை

உருளைக்கிழங்கு 3(வேக வைத்து தோல் உரித்தது)

பச்சை மிளகாய் 6(இரண்டாக பிளந்து கொள்ளவும்)

இஞ்சி விழுது அரை தேக்கரண்டி

பூண்டு விழுது அரை தேக்கரண்டி

கடுகு அரை தேக்கரண்டி

உளுத்தம் பருப்பு அரை தேக்கரண்டி

உப்பு தேவையான அளவு

எண்ணெய் ஒரு தேக்கரண்டி

பச்சை பட்டாணி அரை கப்(வேக வைத்தது)

பச்சரிசி மாவு 250 கிராம்

கறிவேப்பிலை ஒரு தேக்கரண்டி (நறுக்கியது)

கொத்தமல்லித் தழை ஒரு தேக்கரண்டி (நறுக்கியது)

அடுப்பில் வாணலியை ஏற்றி அதில் எண்ணெய் விட்டு நன்கு சூடானதும் கடுகு, உளுத்தம் பருப்பு, கறிவேப்பிலை இவற்றை ஒன்றன்பின் ஒன்றாக போட்டு தாளிக்கவும்.
அvai நன்றாக சிவந்ததும் பூண்டு, இஞ்சி, பச்சை மிளகாய், அதன் பிறகு மசித்த உருளைக்கிழங்கு ஆகியவற்றை ஒவ்வொன்றாக சேர்த்து நன்கு புரட்டி 10 நிமிடம் சுருளாக வரும் வரை கிளறவும்.
பின் தேவையான அளவு உப்பு சேர்த்து கிளறி கொத்தமல்லி தூவி இறக்கி, பிறகு அந்த கலவையை சிறு சிறு உருண்டைகளாக உருட்டி வைத்துக் கொள்ளவும்.
அரிசி மாவை சலித்து சிறிது தூள் உப்பு சேர்த்து கொதித்த நீரை விட்டு கெட்டியாக பிசைந்து கொண்டு 10 நிமிடம் வைத்திருக்கவும்.
மாவினை சிறு உருண்டைகளாக உருட்டி, உள்ளங்கையில் வைத்து தட்டி, விரித்து, அதனுள்ளே சிறிது மசாலாவை வைத்து மூடவும்.
இப்படியே அனைத்து மாவையும் கொழுக்கட்டைகளாக செய்து கொண்டு, அவைகலை இட்லி பானையில் வைத்து வேக வைத்து எடுக்கவும்.
ஆவியில் 5 நிமிடம் இருந்தால் போதும் பிறகு எடுத்து சாப்பிடலாம்.