Arusuvai - பப்பாளி கொழுக்கட்டை

சிறப்பு பக்கங்கள்

பப்பாளி கொழுக்கட்டை

பப்பாளி காய் ஒன்று (200 கிராம்)

பச்சரிசி அரை கிலோ

வெல்லம் கால் கிலோ

தேங்காய் ஒரு கப் துருவியது

ஏலக்காய் 4

பச்சரிசியை கழுவி காயவைத்து பட்டுப்போல் மிஷினில் அரைத்துக் கொள்ளவும்.
அரைத்த மாவை வெந்நீர் விட்டு பிசைந்து கெட்டியாக பிசைந்துக் கொள்ளவும்.
பப்பாளி காயை தோலை சீவி, சிறு சிறு துண்டுகளாக நறுக்கி நீராவியில் வேக வைக்கவும்.
வேக வைத்த பப்பாளி துண்டுடன் தேங்காய் துருவல், பொடித்த வெல்லம் மற்றும் ஏலக்காய் கலந்து பூரணமாக தயார் செய்யவும்.
பிசைந்த வைத்த மாவை சிறு, சிறு உருண்டையாக உருட்டி வட்ட வடிவமாக தட்டி அதனுள் பப்பாளி பூரணத்தை வைத்து கிண்ணம் போல் அழகாக முடவும்.
பிறகு அடுப்பில் இட்லி பானையை வைத்து, பிடித்து வைத்துள்ள கொழுக்கட்டைகளை அடுக்கி வேக வைத்து எடுக்கவும்.