Arusuvai - பயற்றம்பருப்பு கொழுக்கட்டை

சிறப்பு பக்கங்கள்

பயற்றம்பருப்பு கொழுக்கட்டை

பச்சரிசி மாவு கால் படி

பயிற்றம் பருப்பு 100 கிராம்

தேங்காய் அரை மூடி

கடுகு ஒரு தேக்கரண்டி

உளுத்தம் பருப்பு ஒரு தேக்கரண்டி

பச்சை மிளகாய் 2

பெருங்காயம் கால் தேக்கரண்டி

கறிவேப்பிலை ஒரு கொத்து

உப்பு தேவையான அளவு

பயற்றம்பருப்பை குழையாமல் பதமாக வேக வைத்து எடுத்துக் கொள்ளவும்.
வாணலியில் எண்ணெய் ஊற்றி கடுகு, உளுத்தம் பருப்பு, வெங்காயம், மிளகாய் வற்றல் மற்றும் கறிவேப்பிலை இட்டு தாளித்துக் கொள்ளவும்.
வேக வைத்த பயிற்றம் பருப்பில் தாளித்ததை கொட்டி கிளறி பூரணம் தயாரிக்கவும்.
பிறகு ஒரு பாத்திரத்தில் 2 டம்ளர் தண்ணீர் ஊற்றி உப்பு போட்டு கொதிக்க விடவும்.
ஒரு பாத்திரத்தில் மாவை கொட்டி கொதித்த தண்ணீரை மாவில் கொஞ்சம் கொஞ்சமாக ஊற்றி கெட்டியாக பிசையவும்.
பின் பிசைந்த மாவை உருண்டையாக உருட்டிக் கொள்ளவும். உருட்டும் போது எண்ணெய் தொட்டு உருட்டி வாழை இலையில் உருண்டையை வைத்து அப்பளம் வடிவில் தட்டிக் கொள்ளவும்.
தட்டிய மாவில் ஒரு தேக்கரண்டி பூரணத்தை நடுவில் வைத்து உருண்டையாக உருட்டிக் கொள்ளவும். இதே போல் அனைத்து உருண்டையையும் கொழுக்கட்டையாக தயாரித்து கொள்ளவும்.
பிறகு இட்லி பானையில் கொழுக்கட்டையை வைத்து 10 நிமிடம் வேக வைத்து எடுத்து பரிமாறவும்.