Arusuvai - பொட்டுக்கடலை கொழுக்கட்டை

சிறப்பு பக்கங்கள்

பொட்டுக்கடலை கொழுக்கட்டை

பச்சரிசி மாவு கால் கிலோ

பொட்டுக் கடலை 100 கிராம்

சீனி 150 கிராம்

ஏலக்காய் 3

தேங்காய் ஒரு மூடி

உப்பு தேவையான அளவு

பொட்டுக்கடலையை வெறும் வாணலியில் லேசாக வறுத்துக் கொள்ளவும்.
தேங்காயை துருவி நன்றாக வாசனை வரும் வரை வறுத்துக் கொள்ளவும்.
பிறகு பொட்டுக்கடலை, தேங்காய், சீனி, ஏலக்காய் இவற்றை மிக்ஸியில் இட்டு பொடியாக செய்து பூரணம் தயாரிக்கவும்.
அதன் பிறகு அரை லிட்டர் தண்ணீரில், உப்பு சேர்த்து கொதிக்க விடவும்.
ஒரு பாத்திரத்தில் மாவை கொட்டி அதில் கொதித்த தண்ணீரை தேவையான அளவு ஊற்றி கெட்டியாக மாவை பிசைந்துக் கொள்ளவும்.
பிசைந்த மாவை உருண்டையாக உருட்டி வாழை இலையில் உருண்டையை வைத்து வட்டமாக தட்டிக் கொள்ளவும்.
அதன் நடுவில் ஒரு தேக்கரண்டி பொட்டுக்கடலை பூரணத்தை வைத்து மாவை மடித்து கொள்ளவும்.
இதே போல் அனைத்து உருண்டையையும் கொழுக்கட்டையாக செய்துக் கொள்ளவும். பிறகு இட்லி பானையில் பொட்டுக்கடலை கொழுக்கட்டை வைத்து 10 நிமிடம் வேக வைத்து எடுத்து பரிமாறவும்.