Arusuvai - தேங்காய் பூரணம் கொழுக்கட்டை

சிறப்பு பக்கங்கள்

தேங்காய் பூரணம் கொழுக்கட்டை

பச்சரிசி மாவு கால் படி

தேங்காய் ஒன்று

வெல்லம் 150 கிராம்

ஏலக்காய் 2

உப்பு தேவையான அளவு

தேங்காயை துருவி எடுத்து, வெறும் வாணலியில் போட்டு வறுத்து எடுத்துக் கொள்ளவும்.
வெல்லத்தையும், ஏலக்காயையும் பொடி செய்து கொள்ளவும். பிறகு எல்லாவற்றையும் ஒன்றாக சேர்த்து பிசைந்து தேங்காய் பூரணம் தயார் செய்து கொள்ளவும்.
பிறகு ஒரு பாத்திரத்தில் 2 டம்ளர் தண்ணீர் ஊற்றி, சிறிது உப்பு போட்டு கொதிக்க விடவும்.
ஒரு பாத்திரத்தில் மாவை கொட்டி கொதித்த தண்ணீரை மாவில் கொஞ்சம் கொஞ்சமாக ஊற்றி கெட்டியாக பிசையவும்.
பிசைந்த மாவை உருண்டையாக உருட்டிக் கொள்ளவும். உருட்டும் போது எண்ணெய் தொட்டு உருட்டி வாழை இலையில் உருண்டையை வைத்து அப்பளம் வடிவில் தட்டிக் கொள்ளவும்.
தட்டிய மாவில் ஒரு தேக்கரண்டி பூரணத்தை நடுவில் வைத்து உருண்டையாக உருட்டிக் கொள்ளவும்.
இதே போல் அனைத்து உருண்டையையும் கொழுக்கட்டையாக தயாரித்து கொள்ளவும். பிறகு இட்லி பானையில் கொழுக்கட்டைகளை வைத்து 10 நிமிடம் வேக வைத்து எடுத்து பரிமாறவும்.