Arusuvai - வெஜிடபிள் கொழுக்கட்டை

சிறப்பு பக்கங்கள்

வெஜிடபிள் கொழுக்கட்டை

பச்சரிசி மாவு அரை கிலோ

பெரிய வெங்காயம் 3

உருளைக்கிழங்கு 2

தக்காளி 2

முட்டைகோஸ் 100 கிராம்

பச்சை மிளகாய் 3

காரட் 100 கிராம்

கொத்தமல்லித்தழை சிறிதளவு

கறிவேப்பிலை ஒரு கொத்து

உப்பு ஒரு சிட்டிகை

கடுகு ஒரு தேக்கரண்டி

எண்ணெய் ஒரு தேக்கரண்டி

வெங்காயம், தக்காளி, மிளகாய், உருளைக்கிழங்கு மற்றும் முட்டைகோஸ் எல்லாவற்றையும் நைசாக நறுக்கிக் கொள்ளவும். காரட்டை மற்றும் துருவிக் கொள்ளவும்.
வாணலியில் எண்ணெய் ஊற்றி, கடுகு இட்டு தாளித்து அதில் நறுக்கிய வெங்காயம், மிளகாய் போட்டு வதக்கவும்.
அதன் பின் தக்காளி, முட்டைகோஸ், காரட் மற்றும் உருளைக்கிழங்கு போட்டு வதக்கவும்.
காய்கள் வெந்த பின் உப்பு, கொத்தமல்லித் தழை, கறிவேப்பிலை சேர்த்து கிளறி இறக்கி, காய்கறி பூரணம் தயாரித்துக் கொள்ளவும்.
பிறகு அரை லிட்டர் தண்ணீரில், உப்பு சேர்த்து கொதிக்க விடவும். அதன் பின் ஒரு பாத்திரத்தில் மாவை கொட்டி அதில் கொதித்த தண்ணீரை தேவையான அளவு ஊற்றி கெட்டியாக மாவை பிசைந்துக் கொள்ளவும்.
பிசைந்த மாவை உருண்டையாக உருட்டி வாழை இலையில் உருண்டையை வைத்து வட்டமாக தட்டிக் கொள்ளவும்.
பின் அதன் நடுவில் ஒரு தேக்கரண்டி காய்கறி பூரணத்தை வைத்து மாவை மடித்து கொள்ளவும்.
இதே போல் அனைத்து உருண்டையையும் கொழுக்கட்டையாக செய்துக் கொள்ளவும். பிறகு இட்லி பானையில் காய்கறி கொழுக்கட்டைகளை வைத்து 10 நிமிடம் வேக வைத்து எடுத்து பரிமாறவும்.