Pongal specials - Varities of pongal

சிறப்பு பக்கங்கள்

சர்க்கரைப் பொங்கல்

தேவையானப் பொருட்கள்

பச்சை அரிசி	இரண்டு கப்
பயற்றம் பருப்பு	அரை கப்
கடலைப்பருப்பு	கால் கப்
பால்	ஒரு கப்
பொடித்த மண்டை வெல்லம்	மூன்று கப்
நெய்	100 கிராம்
முந்திரி பருப்பு	50 கிராம்
உலர்ந்த திராட்சை	30 கிராம்
ஏலக்காய்	3
பச்சைக்கற்பூரம்	ஒரு அரிசி அளவு
குங்குமப்பூ	10 அல்லது 15

செய்முறை
பருப்புகளை சுத்தம் செய்து பொன்னிறமாக வறுத்துக் கொள்ளவும். அரிசியை சுத்தமாக களைந்து எடுத்துக் கொள்ளவும். பாத்திரம் அல்லது பானையில் ஐந்து கப் அளவிற்கு தண்ணீர் எடுத்துக் கொண்டு அத்துடன் பாலையும் சேர்த்து கொதிக்க விடவும். முதலில் பருப்புகளை அதில் போட்டு சிறிது நேரம் வேக விடவும். சற்று வெந்த பிறகு அரிசியைக் களைந்து போடவும். அடிப்பிடித்து விடாமல் இருக்க அவ்வபோது கிளறி விட்டபடி இருக்கவும். அரிசியும் பருப்பும் முக்கால் பதத்திற்கு வெந்த பிறகு, பொடித்த வெல்லத்தைப் போட்டு நன்றாக கிளறிவிடவும். விடாது கிளறியபடி இருக்கவும். நீர் சுண்டி, சாதம் சற்று குழைந்து வரும் போது, முதலில் பாதி நெய்யை ஊற்றிக் கிளறி விடவும். பிறகு சிறிது நெய்யில் தேங்காய்த்துருவல், முந்திரி, திராட்சை ஆகியவற்றை தனித்தனியே வறுத்து, சாதத்தில் சேர்த்துக் கிளறவும். ஏலக்காயை பொடி செய்து சேர்க்கவும். பொங்கல் பதமாய் வந்தவுடன், குங்குமப்பூவையும், பச்சைக் கற்பூரத்தையும் சிறிது பாலில் கரைத்து, பொங்கலில் ஊற்றிக் கிளறிவிடவும். மீதமுள்ள நெய்யையும் ஊற்றிக் கிளறி, சிறிது நேரம் தணலில் வைத்து இருந்து பிறகு இறக்கவும்.

இது சாதாரணமாக பொங்கல் செய்யும் முறை. இதில் அவரவர் பழக்கத்திற்கு, விருப்பத்திற்கு ஏற்றவாறு சில மாற்றங்களும் இருக்கும்.

சிலர் அரைத் தேக்கரண்டி கல் உப்பினை சர்க்கரையுடன் சேர்த்து கொட்டிக் கிளறுவர்.
கிராமங்களில் குங்குமப் பூ, பச்சைக் கற்பூரம் சேர்ப்பதில்லை.
சிலர் பொடித்த ஜாதிப் பத்ரியை ஏலக்காய் சேர்க்கும் போது, கூடவே சேர்ப்பர்.
கிராம்பு, இஞ்சி சேர்ப்பவர்களும் உண்டு.

பொங்கல் சிறப்பு பக்கத்திற்குச் செல்ல..

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி