Arusuvai - மட்டன் கோஃப்தா

சிறப்பு பக்கங்கள்

மட்டன் கோஃப்தா

கொத்துக்கறி 1 கிலோ

உப்பு தேவையான அளவு

மிளகாய்த் தூள் ஒரு தேக்கரண்டி

சுக்கு 1 தேக்கரண்டி

தனியாத் தூள் 2 தேக்கரண்டி

சீரகம் 2 தேக்கரண்டி

கரம் மசாலா 2 தேக்கரண்டி

இஞ்சி 2 அங்குலத்துண்டு

கொத்துமல்லி ஒரு கட்டு

தயிர் 2 கப்

நெய் 300 கிராம்

கடுகு எண்ணெய் 2 மேசைக்கரண்டி

இலவங்கம் 4

பெருங்காயம் ஒரு சிட்டிகை

குங்குமப்பூ ஒரு சிட்டிகை

கோவா 100 கிராம்

மிளகாய்த்தூள், சுக்கு, தனியாத் தூள், சீரகம், கரம் மசாலா, இஞ்சி விழுது, கொத்துமல்லி ஆகியவற்றை 7 பங்குத் தயிருடன் சேர்த்து நன்கு கலந்துகொள்ளவும்.
கடுகு எண்ணெயோடு இறைச்சித் துண்டுகளைப் போட்டுக் கலக்கி மசாலாக் கலவையோடு சேர்த்து நன்கு கலந்துகொள்ளவும்.
வாணலியில் நெய் விட்டு காய்ந்ததும், மீதியுள்ள தயிர், அரை கப் தண்ணீர், இலவங்கம், பெருங்காயம் ஆகியவற்றை சேர்த்துக் கொதிக்க விடவும்.
ஊற வைத்த இறைச்சித் துண்டுகளைக் கையால் தட்டி நீளப்படுத்திக் கொள்ளவும்.
இறைச்சித் துண்டுகளை ஒவ்வொன்றாக, கவனமாக, வாணலியில் கொதித்து கொண்டிருக்கும் கலவையில் போடவும்.
கரண்டியால் கிளறிவிடாமல் வாணலியை எடுத்து அவ்வப்போது கலக்கியபடி இருக்கவேண்டும்.
இறைச்சித் துண்டுகள் வாணலியில் ஒட்டாமல் இருக்கும்.
கலவை இறுகி வரும்போது இரண்டு, மூன்று மேசைக்கரண்டி தண்ணீர் விட்டு மூடி வேகவிடவும்.
கோஃப்தாஸ் பொன்னிறமானவுடன் 300 கிராம் தண்ணீர் விட்டு மூடிவிடவும்.
மிதமான தீயில் வைத்து, கலவை கெட்டியாக வரும்போது அடுப்பில் இருந்து இறக்கி, குங்குமப்பூவை ஒரு தேக்கரண்டி பாலில் கரைத்துச் சேர்க்கவும்.