Arusuvai - வெண்டைக்காய் மோர்க்குழம்பு

சிறப்பு பக்கங்கள்

வெண்டைக்காய் மோர்க்குழம்பு

தயிர் அரை லிட்டர்

வெண்டைக்காய் 150 கிராம்

பச்சை மிளகாய் 6

தேங்காய் அரை மூடி

மல்லி விதை ஒரு மேசைக்கரண்டி

சீரகம் ஒரு தேக்கரண்டி

அரிசி ஒரு தேக்கரண்டி

கடலை மாவு ஒரு தேக்கரண்டி

தேங்காய் எண்ணெய் ஒரு சிறிய கரண்டி

வெந்தயம் அரை தேக்கரண்டி

மஞ்சள் பொடி அரை தேக்கரண்டி

உப்பு தேவையான அளவு

பச்சை மிளகாய், தேங்காய், மல்லி விதை, சீரகம் இவை அனைத்தையும் சிறிது தண்ணீர் விட்டு கெட்டியாக மிக்ஸியில் அரைத்துக் கொள்ளவும்.
ஒரு பாத்திரத்தில் தயிரை எடுத்து கொண்டு அதில் மஞ்சள் பொடி, உப்பு, அரிசி மாவு, கடலை மாவு போடவும்.
அத்துடன் அரைத்த மசாலாவையும் சேர்த்து, தயிருடன் நன்கு கலக்கவும். நன்கு தளரும் அளவிற்கு கரண்டி அல்லது ஒரு மத்து கொண்டு கலக்கவும். தேவையானால் அரை டம்ளர் தண்ணீரை விட்டுக் கலக்கவும்.
நன்கு கலந்த பின் பாத்திரத்தை அடுப்பில் வைத்து சூடு பண்ணவும். மோர்க் குழம்பு பொங்கி வரும் போது கீழே விடவும்.
வெண்டைக்காய்களை நன்றாகக் கழுவி நீரை வடித்து, அவைகளை ஒரு அங்குலத் துண்டங்களாக நறுக்கிக் கொள்ளவும்.
பிறகு ஒரு வாணலியை அடுப்பில் வைத்து, சிறிது தேங்காய் எண்ணெய் விட்டு காய்ந்த பின் கடுகைப் போட்டு வெடித்ததும் வெந்தயத்தைப் போட்டு பொரிக்கவும். சிறிது கறிவேப்பிலையையும் சேர்த்துக் கொள்ளலாம்.
அதன் பிறகு நறுக்கிய வெண்டைக்காய்களை அதில் போட்டு வதக்கவும். காய் நன்றாகப் பொரிந்து பொன்னிறமாக மாறும் போது அதனை இறக்கி அப்படியே மோர்க் குழம்பில் கொட்டவும்.

கால அளவு	30 நிமிடங்கள்
பரிமாறும் அளவு	4 நபர்களுக்கு
வழங்கியவர்	திருமதி. சுமதி ராஜேந்திரன், மேட்டூர்.



அச்சிடுவதற்கு ஏற்றப் பக்கம்

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி