Arusuvai - சேனைக்கிழங்கு மசியல்

சிறப்பு பக்கங்கள்

சேனைக்கிழங்கு மசியல்

சேனைக் கிழங்கு கால் கிலோ

துவரம் பருப்பு அரை கப்

எலுமிச்சம்பழம் ஒன்று

மஞ்சள் பொடி அரை தேக்கரண்டி

நல்லெண்ணை 2 மேசைக்கரண்டி

கடுகு ஒரு தேக்கரண்டி

உளுத்தம் பருப்பு ஒரு தேக்கரண்டி

பெருங்காயத்தூள் கால் தேக்கரண்டி

பச்சைமிளகாய் 3

இஞ்சி ஒரு துண்டு

கறிவேப்பிலை ஒரு கொத்து

உப்பு தேவையான அளவு

சேனைக்கிழங்கை தோலைச் சீவி, சிறு துண்டங்களாக நறுக்கிக் கொண்டு அத்துடன் சிறிது மஞ்சள் பொடி சேர்த்து வேக வைத்து எடுத்துக் கொள்ளவும்.
துவரம் பருப்பில் சிறிது மஞ்சள் பொடி போட்டு தனியே நன்கு குழைய வேக வைத்து எடுத்துக் கொள்ளவும்.
ஒரு வாணலியை அடுப்பில் வைத்து சூடாக்கி, நல்லெண்ணைய் விட்டு காய்ந்தவுடன் கடுகைப் போட்டு வெடித்தவுடன், உளுத்தம் பருப்பு, பெருங்காயம் போட்டு சிவக்க வறுக்கவும்.
அத்துடன் பொடியாக நறுக்கிய 3 பச்சை மிளகாயும், பொடியாக நறுக்கிய இஞ்சித் துண்டு, கறிவேப்பிலை போட்டு வதக்கவும்.
இத்துடன் தயாராக வைத்துள்ள வெந்த துவரம் பருபு, வேக வைத்த சேனைக்கிழங்கு சேர்த்து தேவையானத் தண்ணீர் விட்டு, திட்டமாக உப்புப் போட்டு கொதிக்க விடவும்.
எல்லாம் ஒன்றாகச் சேர்ந்து கூட்டு மாதிரி வந்தவுடன் கீழே இறக்கி, தேவையெனில் சற்று மசித்துக் கொள்ளவு. சற்று ஆறிய பின் சிறிது எலுமிச்சை சாற்றினை அதில் விடவும்.

கால அளவு	30 நிமிடங்கள்
பரிமாறும் அளவு	4 நபர்களுக்கு
வழங்கியவர்	திருமதி. சுமதி ராஜேந்திரன், மேட்டூர்.



அச்சிடுவதற்கு ஏற்றப் பக்கம்

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி