Arusuvai - ஸ்டஃப்டு கத்தரிக்காய்

சிறப்பு பக்கங்கள்

ஸ்டஃப்டு கத்தரிக்காய்

கத்தரிக்காய் கால் கிலோ

உருளைக்கிழங்கு 350 கிராம்

பட்டாணி 100 கிராம்

கேரட் 100 கிராம்

வெங்காயம் 50 கிராம்

பச்சைமிளகாய் 2

கடலைமாவு 2 மேசைக்கரண்டி

வெண்ணெய் ஒரு மேசைக்கரண்டி

பால் ஒரு மேசைக்கரண்டி

தக்காளி 1

நெய் 2 மேசைக்கரண்டி

உப்பு தேவையான அளவு

கத்தரிக்காயை ஒரு பாத்திரத்தில் போட்டு மூழ்கும் அளவிற்கு நீர் ஊற்றி அரைவேக்காடாக வேகவைத்து எடுத்துக் கொள்ளவும்.
பிறகு நீளவாக்கில் இரண்டாக நறுக்கி மத்தியில் உள்ள விதைப்பகுதியை ஒரு ஸ்பூன் கொண்டு வழித்து தனியாக எடுத்து வைத்துக் கொள்ளவும்.
சுமார் 150 கிராம் உருளைக்கிழங்கினை மட்டும் எடுத்து தோலுரித்து சிறுசிறு துண்டங்களாக நறுக்கிக் கொள்ளவும்.
அதேபோல் கேரட்டையும் சுத்தம் செய்து துண்டுகளாக நறுக்கிக் கொள்ளவும்.
வெங்காயத்தையும் பச்சைமிளகாயையும் நறுக்கிக் கொள்ளவும். பட்டாணியைத் தோல் நீக்கி எடுத்துக் கொள்ளவும்.
நறுக்கிய காய்களுடன் பச்சைமிளகாயையும் சேர்த்து ஒரு பாத்திரத்தில் போட்டு அவை மூழ்கும் அளவிற்கு நீர் ஊற்றி, உப்பு சேர்த்து சிறிது நேரம் வேகவிட்டு எடுத்துக்கொள்ளவும்.
ஒரு வாணலியில் எண்ணெய் விட்டு காய்ந்ததும் கத்தரிக்காயில் இருந்து எடுத்த மையப்பகுதியைப் போட்டு வதக்கவும்.
வதங்கியதும் வேகவைத்து எடுத்துள்ள காய்களைப் போட்டு சிறிது வதக்கி இறக்கிவிடவும்.
ஆறியதும் எடுத்து கத்தரிக்காயில் நிரப்பவும்.
கடலைமாவுடன் தேவையான அளவு தண்ணீர் மற்றும் உப்பு சேர்த்து சற்று கெட்டியாக பிசைந்து கொள்ளவும்.
கலவை நிரப்பிய கத்தரிக்காய்களை மாவில் தோய்த்து எடுத்து வாணலியில் எண்ணெய் விட்டு காய்ந்ததும் சுட்டு எடுத்து எண்ணெய்யை வடித்துக் கொள்ளவும்.
மீதமுள்ள உருளைக்கிழங்கினை வேகவைத்து தோலுரித்து மசித்துக் கொள்ளவும்.
மசித்த உருளைக்கிழங்கினை ஒரு தட்டில் பரப்பி மத்தியில் கத்தரிகாயை வைத்து நறுக்கின தக்காளி கொண்டு அலங்கரித்து பரிமாறவும்.