Arusuvai - ஸ்டஃப்டு குடைமிளகாய்

சிறப்பு பக்கங்கள்

ஸ்டஃப்டு குடைமிளகாய்

குடைமிளகாய் அரைக் கிலோ

உருளைக்கிழங்கு அரைக் கிலோ

வெங்காயம் 50 கிராம்

பட்டை சிறியத் துண்டு

கிராம்பு 3

ஏலப்பொடி ஒரு தேக்கரண்டி

நெய் 4 மேசைக்கரண்டி

உப்பு 2 தேக்கரண்டி

நன்கு பெரிய குடைமிளகாய்களைத் தேர்வு செய்து எடுத்துக் கொள்ளவும்.
குடைமிளகாயின் தலைப்பகுதியை கவனமாக மூடி போல் வெட்டி எடுத்து தனியே வைத்துக் கொள்ளவும்.
குடைமிளகாயின் உட்புற விதைகளை நீக்கி கழுவி, சிறிது உப்பினை உட்புறம் தூவி தலைகீழாக கவிழ்த்து வைக்கவும்.
உருளைக்கிழங்கினை வேகவைத்து எடுத்து தோலுரித்து பிறகு சிறு சிறு துண்டுகளாக நறுக்கிக் கொள்ளவும்.
வெங்காயத்தைப் பொடியாக நறுக்கிக் கொள்ளவும். ஏலக்காய், கிராம்பு மற்றும் பட்டையை சிறிது வறுத்துப் பொடியாக்கிக் கொள்ளவும்.
வாணலியில் நெய் விட்டுக் காய்ந்ததும் நறுக்கி வைத்துள்ள வெங்காயத்தைப் போட்டு வதக்கவும்.
அதில் உருளைக்கிழங்கு துண்டுகள், பொடித்து வைத்துள்ள வாசனைப் பொருட்கள் மற்றும் உப்பு சேர்த்து வதக்கவும்.
வெந்ததும் இறக்கி சிறிதுநேரம் ஆறவிட்டு பிறகு குடைமிளகாயின் உள்ளே வைத்து அழுத்தி நிரப்பவும்.
பிறகு மிளகாயின் தலைப்பகுதியை கொண்டு அதனை நன்கு மூடவும். மிளகாயின் மேல் நன்கு நெய் தடவி ஓவனில் வைத்து மிளகாய் பதமாக வெந்ததும் எடுத்துப் பரிமாறவும்.