Arusuvai - ஸ்டஃப்டு உருளைக்கிழங்கு

சிறப்பு பக்கங்கள்

ஸ்டஃப்டு உருளைக்கிழங்கு

உருளைக்கிழங்கு அரைக் கிலோ

தக்காளி கால் கிலோ

குடைமிளகாய் 100 கிராம்

பட்டாணி 100 கிராம்

முட்டைகோஸ் 100 கிராம்

பச்சைமிளகாய் 2

பூண்டு 2 பல்

நெய் ஒரு மேசைக்கரண்டி

உப்பு தேவையான அளவு

கொத்தமல்லித்தழை சிறிது

உருளைக்கிழங்கின் மேல்தோலினை லேசாக தேய்த்து எடுக்கவும்.
ஒரு பாத்திரத்தில் நீர் ஊற்றி உருளைக்கிழங்கினைப் போட்டு அரைவேக்காடாக வேகவைத்து எடுத்துக் கொள்ளவும். நன்கு வெந்துவிடக்கூடாது.
முட்டைகோஸினையும், குடைமிளகாயினையும் சுத்தம் செய்து வேகவைத்து எடுத்து நறுக்கிக் கொள்ளவும்.
பட்டாணியை வேகவைத்து எடுத்துக் கொள்ளவும். பச்சைமிளகாய், பூண்டினை பொடியாக நறுக்கிக் கொள்ளவும்.
உருளைக்கிழங்கின் மேல்பாகத்தை வெட்டி ஒரு ஸ்பூன் கொண்டு கூடு போல் எவ்வளவு முடியுமோ அந்த அளவிற்கு குடைந்து கொள்ளவும்.
வேகவைத்துள்ள காய்களுடன் நறுக்கி வைத்துள்ள பச்சைமிளகாய், பூண்டு, உப்பு மற்றும் குடைந்து எடுத்த உருளைச்சதை ஆகியவற்றை சேர்த்து நன்கு கலந்துகொள்ளவும்.
இதனைக் கொண்டு கூடாக குடைந்து வைத்துள்ள உருளைகளை நிரப்பவும்.
வாணலியில் நெய் விட்டு, நறுக்கிய தக்காளி மற்றும் உப்பு சேர்த்து குழம்பாக வரும் அளவிற்கு வதக்கி வேகவிடவும்.
இந்த குழம்பில் நிரப்பி வைக்கப்பட்டுள்ள உருளைக்கிழங்குகளை வைத்து ஒரு மூடி போட்டு சிறுதீயில் வேகவிடவும்.
மூடியின் மேல் நெருப்புத் துண்டுகளை போட்டு சூடுபண்ணவும்.
உருளைகிழங்கு வெந்ததும் இறக்கி கொத்தமல்லி தூவி அலங்கரித்து பரிமாறவும்.