Arusuvai - தக்காளி மஹாசா

சிறப்பு பக்கங்கள்

தக்காளி மஹாசா

தக்காளி அரை கிலோ

வெங்காயம் 100 கிராம்

மைசூர்பருப்பு 225 கிராம்

பச்சைமிளகாய் 2

உருளைக்கிழங்கு 225 கிராம்

நெய் 50 கிராம்

மைதாமாவு ஒரு மேசைக்கரண்டி

உப்பு தேவையான அளவு

நல்ல பழுத்த தக்காளியாக இல்லாமல் அரைக் காயாக எடுத்துக் கொள்ளவும்.
தக்காளியின் தலைப்பகுதியை மட்டும் தனியே வெட்டி எடுத்து ஒரு ஸ்பூனைக் கொண்டு உட்புற விதைகளை நீக்கி கொள்ளவும்.
தக்காளியின் தலைப்பகுதியை கவனமாக மூடி போன்று வெட்டி எடுக்கவும். பிறகு அதனைக் கொண்டு தக்காளியை மூடவேண்டி இருக்கும்.
தக்காளியின் உட்புறத்தில் சிறிது உப்பினைத் தூவி ஒரு தட்டில் தலைகீழாக கவிழ்த்து வைக்கவும்.
உருளைக்கிழங்கு, பருப்பு ஆகியவற்றை நன்கு வேகவைத்து மசித்துக் கொள்ளவும்.
வெங்காயத்தையும், பச்சைமிளகாயையும் நறுக்கிக் கொள்ளவும்.
ஒரு வாணலியில் சிறிது நெய் விட்டு அதில் வெங்காயத்தை சிறிது வதக்கிக் கொள்ளவும்.
பிறகு அதனுடன் பச்சைமிளகாய், உப்பு, மசித்து வைத்துள்ள பருப்பு, உருளைக்கிழங்கு ஆகியவற்றை சேர்த்து நன்கு கலந்து கொள்ளவும்.
கலவையை சற்று ஆறவிட்டு பிறகு தக்காளியின் உட்புறத்தில் நன்கு அழுத்தி நிரப்பவும்.
நறுக்கி வைத்துள்ள தலைப்பகுதியை கொண்டு தக்காளியின் மேல்புறத்தில் மூடவும்.
மைதா அல்லது கோதுமைமாவினை சிறிது நீரில் கரைத்து பசையாக செய்து கொண்டு தக்காளியின் வெட்டுபட்ட ஓரங்களை ஒட்டி மூடவும்.
ஒரு வாணலியில் நெய் விட்டு காய்ந்ததும் தக்காளியின் தலைப்பகுதியை முதலில் வேகவிடவும். வெந்ததும் திருப்பிப் போட்டு மறுபுறத்தையும் வேகவிடவும்.
தக்காளி மிருதுவாகும் வரை வேகவிட்டு எடுத்துப் பரிமாறவும்.