Arusuvai - கருப்பட்டி மாவு உருண்டை

சிறப்பு பக்கங்கள்

கருப்பட்டி மாவு உருண்டை

பச்சரிசி அரைக் கிலோ

கருப்பட்டி கால் கிலோ

சுக்கு இரண்டு அங்குலத்துண்டு

பச்சரிசியை ஊறவைத்து, நீரை வடித்து, நிழலில் உலர்த்தி மாவாக இடித்துக் கொள்ளவும். பிறகு அந்த மாவை வறுத்துச் சலித்து எடுக்கவும்.
நல்ல வெண்மை நிறமுள்ள கருப்பட்டியாக தேர்ந்தெடுத்து, அதனை தூள் செய்து, சிறிது நீர் விட்டுப் பாகு காய்ச்சவும்.
நன்கு முதிர் பாகாக காய்ச்சிக் கொள்ளவும். பாகானது இளகி ஓடாமல், உருட்டும் பதத்தில் கெட்டியாக இறுக்க வேண்டும்.
இத்துடன் சுக்கைத் தூள் செய்து சேர்த்து நன்கு கலந்து கொள்ளவும்.
பிறகு இதனை அரிசி மாவில் கலந்து, இளஞ்சூட்டில் சிறு சிறு உருண்டைகளாகப் பிடிக்கவும். இது சுவையான, ஆரோக்கியமான கிராமத்து இனிப்பு.

கால அளவு	25 நிமிடங்கள்
வழங்கியவர்	திருமதி. சுமதி ராஜேந்திரன், மேட்டூர்.



அச்சிடுவதற்கு ஏற்றப் பக்கம்

சிறப்புப் பக்கங்கள்