Arusuvai - சப்ஜி

சிறப்பு பக்கங்கள்

சப்ஜி

மொச்சைக்கொட்டை 200 கிராம்

பெரிய வெங்காயம் அரை கிலோ

தக்காளி கால் கிலோ

கத்தரிக்காய் கால் கிலோ

இலவங்கம் 2

பிரிஞ்சி இலை 2

தனியாத் தூள் 2 தேக்கரண்டி

மிளகாய்த் தூள் 2 தேக்கரண்டி

எண்ணெய் 3 மேசைக் கரண்டி

தேங்காய் துருவல் 4 மேசைக் கரண்டி

கசகசா கால் மேசைக் கரண்டி

சோம்பு கால் மேசைக் கரண்டி

உப்பு தேவையான அளவு

மொச்சைக்கொட்டையை முதல் நாளே ஊற வைத்துவிடவும்.
மறுநாள் அதனுடன் சிறிது மஞ்சள்பொடி சேர்த்து வேகவைத்து எடுக்கவும்.
தக்காளி, வெங்காயம், கத்தரிக்காய் ஆகியவற்றை பொடிப் பொடியாக நறுக்கிக் கொள்ளவும்.
வாணலியில் எண்ணெய் விட்டுக் காய்ந்தவுடன் இலவங்கம், பிரிஞ்சி இலைகள், வெங்காயம், தக்காளி ஆகியவற்றை போட்டு வதக்கவும்.
வெங்காயம் பொன்னிறமானவுடன் தனியா, மிளகாய்த் தூள், கத்தரிக்காய் சேர்த்து வதக்கவும்.
தேவையான உப்பு சேர்த்து கத்தரிக்காயை வேகவிடவும். கத்தரிக்காய் வெந்தபிறகு வேகவைத்த மொச்சைக்கொட்டையையும் சேர்க்கவும். ஐந்து நிமிடங்கள் சென்ற பின்பு, தேங்காய் துருவல், கசகசா, சோம்பு ஆகியவற்றை விழுதாக அரைத்து அதில் சேர்த்து சில நிமிடங்கள் கொதிக்க விட்டு இறக்கவும்.