Arusuvai - மெதுவடை

சிறப்பு பக்கங்கள்

மெதுவடை

உளுத்தம் பருப்பு 200 கிராம்

பச்சைமிளகாய் 6

இஞ்சி ஒரு சிறுதுண்டு

மிளகு ஒரு தேக்கரண்டி

பெருங்காயம் சிறிது

அரிசி மாவு 2 தேக்கரண்டி

உப்பு தேவையான அளவு

உளுத்தம்பருப்பை ஒரு மணி நேரம் நீரில் ஊறவைத்து கல் நீக்கி சுத்தம் செய்து கிரைண்டரில் இட்டு நீர் சேர்க்காமல் அரைக்கவும்.
அரைக்கும் பொழுதே பெருங்காயம் கரைத்த நீர், உப்பு சேர்த்து கெட்டியாக சற்று நறநற வென்று அரைத்து எடுக்கவும்.
மாவில் பொடியாக நறுக்கிய பச்சைமிளகாய், இஞ்சி, தட்டிய மிளகு, அரிசி மாவு சேர்த்து நன்கு கலந்து கொள்ளவும்.
வாணலியில் எண்ணெய் நிறைய ஊற்றிக் காயும் பொழுது, இலையில் நீர் தடவி, ஓர் உருண்டை மாவை வைத்து தட்டி நடுவில் விரலைக் கொண்டு துளை செய்து சூடாகிக் கொண்டிருக்கும் எண்ணெய்யில் போட்டுப் பொன்னிறத்தில் சுட்டெடுக்கவும்.

வழங்கியவர்	திருமதி. சுமதி ராஜேந்திரன், மேட்டூர்.



அச்சிடுவதற்கு ஏற்றப் பக்கம்

சிறப்புப் பக்கங்கள்