Arusuvai - உளுந்து வடை

சிறப்பு பக்கங்கள்

உளுந்து வடை

உளுத்தம் பருப்பு 250 கிராம்

பச்சை மிளகாய் 10 கிராம்

இஞ்சி ஒரு துண்டு

கறிவேப்பிலை ஒரு கொத்து

எண்ணெய் 500 கிராம்

பெருங்காயம் ஒரு கிராம்

உப்பு தேவையான அளவு

உளுத்தம்பருப்பை ஒரு பாத்திரத்தில் போட்டு தண்ணீர் விட்டு ஒரு மணி நேரம் ஊற வையுங்கள்.
பிறகு பருப்பைக் களைந்து தண்ணீரை நன்றாக வடித்து கல் உரல் அல்லது கிரைண்டரில் போட்டு கெட்டியாகவும் மை போன்றும் அரைத்துக் கொள்ளவும்.
கடைசியில் உப்பு, பெருங்காயத்தைப் போட்டு ஒரு சுற்று சுற்றி மாவை ஒரு பாத்திரத்தில் எடுத்துக் கொள்ளவும்.
பச்சை மிளகாய், இஞ்சி அகியவற்றைப் பொடியாக நறுக்கி மாவில் போடுங்கள். கறிவேப்பிலையை சிறுசிறு துண்டுகளாகக் கிள்ளிப் போட்டு மாவைக் கலந்து கொள்ளுங்கள்.
வாணலியில் எண்ணெய் விட்டு அடுப்பில் வைக்கவும்.
டபரா அல்லது அடிபாகம் தட்டையாகவுள்ள ஒரு பாத்திரத்தைக் கவிழ்த்துப் போடுங்கள். கையகல சுத்தமான வெள்ளைத் துணியை எடுத்துத் தண்ணீரில் நனைத்து பாத்திரத்தின் மீது பிரித்து போடுங்கள்.
மாவை நன்றாகக் கலந்து கொள்ளுங்கள். ஒரு சிறு பாத்திரத்தில் தண்ணீர் எடுத்து வைத்துக் கொள்ளுங்கள். தண்ணீரில் விரல்களை நனைத்து மாவை எலுமிச்சங்காய் அளவு எடுத்து பிரித்துப் போட்டுள்ள துணியின் மீது வைத்து வட்டமாகத் தட்டுங்கள்.
எண்ணெய் நன்றாகக் காய்ந்து புகை வந்ததும் வடையை எடுத்து அதில் போடுங்கள். எச்சரிக்கையாக மாவை எண்ணெயில் போட வேண்டும்.
கையைத் தண்ணீரில் நனைக்காமல் மாவை எடுத்தால் அது கையை விட்டு வராது. அதே சமயம் எண்ணெயில் போடும் போது தடால் என்று போட்டால் சூடான எண்ணெய் உங்கள் மீது தெறிக்கும் அபாயமும் உண்டு.
வடை ஒரு பக்கம் சிவந்ததும் கரண்டியால் திருப்பி விட்டு மறு பக்கமும் சிவந்து வந்ததும் எடுத்து எண்ணெயை வடித்து சுத்தமான பாத்திரத்தில் போட்டு பத்திரப்படுத்தி உபயோகியுங்கள்.

கால அளவு	45-60 நிமிடங்கள்
வழங்கியவர்	திருமதி. ராஜம், தஞ்சை.



அச்சிடுவதற்கு ஏற்றப் பக்கம்

கூட்டு பொரியல் வறுவல் வகைகள்

சூப் வகைகள்

பொடி வகைகள்

ஊறுகாய் வகைகள்

வற்றல் வடகம் அப்பள வகைகள்

கேக் பிஸ்கட் வகைகள்

ஐஸ்கிரீம் பழரசம் பான வகைகள்

சிறப்பு உணவு வகைகள்

சிறப்புப் பக்கங்கள்

உணவுப் பொருட்கள்

உணவும் உடல் ஆரோக்கியமும்

முதல்பக்கம் | எங்களைப்பற்றி | தொடர்புக்கு | நன்றி