என் சமையல் அறையில் - முசி

என் சமையலறை மிகவும் சிறியது என்றாலும், 12 வருடமாக அதை பராமரித்து வருகிறேன். முதலில் நுழைந்த உடன் ஃப்ரிட்ஜ் இருக்கும். நான் உபயோகிப்பது அவனுடன் சேர்ந்த கியேஸ் அடுப்பு. அதன் மேலே சிம்னி பொருத்தப்பட்டுள்ளது, அடுப்பின் பக்கத்தில் சிங்க் இருக்கும். சுவற்றில் பாலித்தின் ஃப்லிம் ஒட்டி உள்ளேன். மாதம் ஒரு முறை மாற்றி எண்ணெய் பிசுக்கு வராமல் பாதுகாக்கலாம். மேலே பாத்திரம் மாட்ட ஒரு செல்ஃப் வைத்து, அதன் மேல் மசாலா டப்பாக்கள் வைத்து உள்ளேன். அருகே ப்ரெட் டோஸ்டரும் வைத்துள்ளேன்.

சிங்க்கின் அருகே பாத்திரங்கள் கழுவி வைக்க ஒரு ட்ரேயுடன் கூடிய கூடை வைத்துள்ளேன். கரண்டி போடும் பாத்திரமும் அருகே உள்ளது. மேலே இன்ஸ்டன்ட் வாட்டர் ஹீட்டர். அதன் அருகில் ஒரு கப்போர்டும், அதன் கீழ் மைக்ரோவேவ் அவனும் உள்ளது. கீழே இருக்கும் கப்போர்டில் பாத்திரங்கள், நாண்ஸ்டிக் பாத்திரங்கள், டப்பாக்கள் வைத்துள்ளேன்.

அடுப்பிற்கு நேர் எதிரே கிச்சன் கப்போர்டு. டீ கப், உப்பு, ஆயில், மிக்சி என்று அடிக்கடி எடுக்கும் பொருட்களை வெளியில் வைத்து உள்ளேன். எனக்கு ஸ்டோர் ரூம் கிடையாது என்பதாலும் சின்ன சமயலறை என்பதாலும் அதிக பொருள் வைத்து கொள்வதில்லை.

மேலே உள்ள கப்போர்டில் காபி பவுடர், டீத்தூள், சீனி, சாக்லெட் பவுடர், இவைகள் இருக்கும். மறுபக்கத்தில் சிறிய பாட்டில் மற்றும் டப்பாக்களில் மசாலாக்கள் வைத்துள்ளேன். அனைத்திலும் என்ன தூள் என்று பெயர் எழுதி இருக்கும். என் சமயலறை பற்றி தெரியாதவர் வந்தாலும் சமைக்க முடியும். மற்ற கப்போர்ட்டில் தேவையான மளிகை சாமான்கள் இருக்கின்றன.

கரண்டிகள், கத்திகள் போன்ற அனைத்தும் வகைப்படுத்தி தனித் தனி ட்ரேயில் வைத்திருக்கிறேன்.

கீழே இருக்கும் அலமாரியில் விருந்தினர்கள் வந்தால் உபயோகிப்பதற்காக பளிங்கு கோப்பைகள், கண்ணாடி மற்றும் பீங்கான் பாத்திரங்களை வைத்துள்ளேன். இதுதான் என் கிச்சன்.