பொன்னியின் செல்வன்

'பொன்னியின் செல்வன்' கல்கியின் அற்புதப் படைப்பு.
படிக்கும் போது நாவல் படிக்கிற‌ நினைப்பே வராது.
நாமும் அவங்களோடவே பயணிக்கிற‌ மாதிரி காட்சிகள் மனக்கண்ணில் விரியும்.
கதையைப் படித்து முடிக்கும் வரை நானும் சோழனாட்டிலேயே இருந்தேன் என்றால் அது மிகையாகாது.
ஆடி பதினெட்டாம் பெருக்கு அன்று வந்தியத் தேவனோடு கதை துவங்குகின்றது.
எனக்கு பிடித்த‌ கதாபாத்திரமும் வந்தியத்தேவனே.
வந்தியத்தேவனுடைய‌ வீரம், அறிவு, தோற்றம் எல்லாமே படிக்க‌ படிக்க‌ திகட்டாது.

இது போல‌ சிவகாமியின் சபதம் பற்றியும் எழுதுங்க‌ ரேவா.

//நீங்க படிச்சிருக்கிங்களா// ஆம், முதல்ல படிச்சது... நாற்பது வருஷம் முன்னால. ஏதோ கின்னஸ் ரெக்கார்ட் ப்ரேக் பண்ற மாதிரி நாலைஞ்சு நாள் சாப்பிடாம தூங்காம, இரவுல அரிக்கேன் லாந்தர் வைச்சு... அத்தனை அத்தியாயமும் படிச்சு முடிச்சது நினைவுக்கு வருது. :-)

//பிடித்த கதாபாத்திரம்// அப்போ கதை என்றாலே பைத்தியம். எல்லாப் பாத்திரங்களையுமே ஒரு பிரமிப்போடுதான் பார்த்தேன். ஓவியங்களிலும் ஈடுபாடு அதிகம். எழுத்தையும் ஓவியங்களையும் அடிக்கடி ஒப்பிட்டுப் பார்ப்பேன்.

ஃபேஸ்புக்ல என்னைக் கண்டால் ஒரு ஹாய் சொல்லுங்க. பேசணும்.

இவங்க எல்லாம் யாரு?? ம்ம்... நல்லா இருக்கும்னு பலர் சொல்றீங்க, எனக்குத்தான் இதை எல்லாம் படிச்ச அனுபவமே இல்லை. இமா சொன்ன மாதிரி பரிட்சைக்கு கூட அப்படி படிக்க மாட்டேன், கதைன்னா சாப்பிடாம படிப்பேன் சில நேரம். சில காலம் சில குறிப்பிட்ட ஆசிரியர்களின் ஆங்கில நாவல்கள். ரமணிசந்திரன் காய்ச்சல் இப்ப அப்படித்தான் கொஞ்ச நாள் இருந்தது. அதனால் இவர் நான் புக் பக்கம் போனாலே டென்ஷானாகுறார் ;) தொடரா படிக்கவும் பொறுமை இல்லை, மொத்தத்தையும் வெச்சு வெச்சு படிக்கவும் பொறுமை இருப்பதில்லை.

//எழுத்தையும் ஓவியங்களையும் அடிக்கடி ஒப்பிட்டுப் பார்ப்பேன்.// - இதை நானும் சில நாவல்களில் பண்ணிருக்கேன். ;) சில வார இதழ்களை அந்த ஓவியங்களுக்காகவே பார்த்திருக்கிறேன்.

ரேவதி புத்தகம் படிப்பது மட்டுமல்லாமல், நல்லா ரசித்தும் எழுதியிருக்கீங்க‌.

நான் ஒரு புத்தகபிரியை, அதிலும் கல்கியின் தீவிர ரசிகை, ஒன்றிரண்டு தவிர‌ அனைத்து நாவல்களும் படித்திருக்கிறேன். புத்தகவடிவில் மட்டுமல்லாது, PDF format லயும் எங்க‌ போனாலும் என்னுடன் இருப்பவை இந்த‌ புத்தகங்கள்.
பொன்னியின் செல்வனை எத்தனை முறை படித்திருக்கிறேன்னு எனக்கேத்தெரியாது!

//அப்படி என்ன இந்த புத்தகத்துல இருக்குன்னு படிக்காதிங்க . ஒன்னும் இருக்காது . ஆனால் படித்து முடித்ததும் உங்க கருத்து வேறா இருக்கும் // இந்த‌ புத்தகத்தில் சொல்லப்படாத‌ விஷயம்னு, எதுவுமே இருக்கிறதா என்க்குத் தோணாது.
நீங்க‌ பொன்னியின் செல்வனை இவ்வளவு ரசித்திருப்பதால், உங்களுக்கு இன்னும் சில‌ புத்தகங்களும் பிடிக்கும் என‌ நம்புகிறேன்.
எனக்குப் பிடித்த‌ புத்தகங்கள் நிறைய‌ இருக்கு, அவற்றில் சில‌
1. லக்ஷ்மியின் ‍‍ பெண்மனம்.
2. இந்துமதியின் நெருப்புமலர்.
3. கிருஷ்ணமனியின் வேர்கள்.
4. இந்திராசவுந்திரராஜனின் கோட்டைப்புரத்து வீடு, ஐந்து வழி மூன்று வாசல்.
5. கல்கியின் அனைத்து புத்தகங்களும்.
6. பாலகுமாரனின் அப்பம் வடை தயிர்சாதம்.

விட்டா,நான் இன்னும் சொல்லிக்கொண்டே போவேன் ரேவதி, உங்களுக்கு போரடிக்கும் வரைக்கும். முடிஞ்சா இந்த‌ புத்தகங்களையும் படித்து பாருங்க‌ நல்லாயிருக்கும், ஏற்கனவே படித்திருந்தா எனக்கும் கருத்து சொல்லுங்க‌.

நீங்க‌ புத்தகத்தை பற்றி பதிவிட்டவுடனே எனக்கு கொஞ்சம் ஆர்வக்கோளாறு அதிகமாயிடிச்சி மன்னிக்கவும்.

ரேவதி பொன்னியின் செல்வனில் எனக்கு பிடித்தவர் வந்தியத்தேவன் 10 முறை படித்தேன் புதுசா படிக்கிற மாதிரியே இருக்கும்.எந்த பாகத்த படித்தாலும் ஆழ்ந்து படிக்க தோணும்,நந்தினி கேரக்டர்தான் புரியாத புதிர்.

எனக்கு இந்த‌ கதையில் வரும் ஒவ்வொரு கதாபாத்திரமுமே ரொம்ப‌ பிடிக்கும் (நீங்கள் குறிப்பிட்டிருக்கும் அனைவருமே).
உண்மையில் அனைவருக்குமே வந்தியத்தேவன் கொஞ்சம் special தான்.

கண்டிப்பாக‌ நீங்கள் சொல்லியிருக்கும் புத்தகங்களையும் படிக்கிறேன்.

இப்பொழுது காவிரிமைந்தன் (அனுஷா வெங்கடேஷ்) படித்துக்கொண்டிருக்கிறேன்.கல்கி அளவுக்கு இல்லை என்றாலும் நன்றாகவே உள்ளது.

நானும் படித்து ரசித்து இருக்கிறேன். கல்லூரி நாட்களில் கையடக்க‌ சிறிய‌ புத்தகங்களை பையிலேயே வைத்து இருப்பேன். கொஞ்சம் நேரம் கூட‌ வீணாக்காமல் படிப்பேன். "ஏதோ பரீட்சைக்குப் படிப்பதைப் போல‌ படிக்கிறாயே!" என்று தோழிகள் கிண்டல் செய்வார்கள். கதாபாத்திரங்களையும் கதை சூழலையும் கற்பனை செய்து ரசிப்பேன். லைப்ரரியில் இருந்து பெரிய‌ புத்த‌கங்களை எடுத்து சென்று இரவில் தூங்காமல் படித்து இருக்கிறேன். நடுவில் புத்தகத்தைக் கீழே வைக்கவே பிடிக்காது. வெகு நேரம் கண் விழித்ததற்காக‌ அம்மாவிடம் திட்டு வாங்கியது எல்லாம் நினைவு வருகிறது. : )

அன்புடன்
தயூ

நல்ல பதிவு..

எனக்கு பாலகுமாரனின் 'பந்தயப் புறா' மிகவும் பிடிக்கும்.

ஹாஸ்டல் லீவு மூன்று நாளில் பொன்னியின் செல்வன் 5 பாகம்(6 புக்கையும்) படிச்சாச்சு! :) அம்மா இன்னும் சொல்வாங்க‌.. இந்த‌ ஆர்வம் படிப்புல‌ காண்ப்பிச்சா எவ்வளவு நல்லா இருக்கும்னு..

வந்தியத்தேவன்‍ - குந்தவை ‍இலைமறைக் காதல், அருள்மொழிவர்மன் பெருந்தன்மை, மற்றும் நிதானம், புத்திசலித்தனம், நந்தினியின் சாகசம் இறுதி வரை நந்தினி நல்லவளா இல்லை கெட்டவளா என்ற‌ கேள்வி, படிக்கும் போது என்னடா இந்த காலத்தில் என்ன‌ பண்ரோம்.. அந்த‌ கதை நடக்கும் காலக்கட்டத்திர்க்குப் போக‌ மாட்டோம்மான்னு ஒரெ ஏக்கம்த்தான்..

சரியாச் சொன்னீங்க‌.. இந்த‌ கதையில் என்ன‌ இருக்குன்னுக் கேட்டா சொல்ல‌ முடியாது.. அனுபவிக்கத்தான் முடியும்..அது ஒருக்காலம்ன்னு என்னை இப்படி கொசுவர்தி சுத்த‌ வச்சுட்டீங்களே..

பிடிச்ச‌ கதாப்பத்திரம் ‍குந்தவை - அக்காவாக‌, தம்பிக்கு அம்மாவாக‌, அன்பு காதலியாக‌, புத்திசலித்தனம், பணிவு, அரசியலறிவு எல்லாம் உள்ள‌ இளவரசி!

பொன்னயின் செல்வன் நான் இன்னும் படிச்சதில்லீங்க; படிக்க ஆர்வம்தான் ஆனால் புத்தகத்தை நூலகத்தில் பார்த்தால்
முழுசாய் படிக்க எவ்வளவு நாளாகுமோன்னு ஒரு பயம்ங்க.
சரின்னு மின் புத்தகமாய் எடுத்து வைத்தது அப்படியே இருக்குங்க.
படிக்க முயற்சிக்கிறேன்.
நல்ல பகிர்வுங்க :-)

நந்திபுரத்து நாயகியில் நந்தினியின் முழு விவரமும் இருக்குமென்று கேள்வி பட்டுள்ளேன்.சாண்டில்யனின் நாவல்கள் நன்றாக இருக்கும்,கடல் புறா,கன்னி மாடம்,ராஜ திலகம்,ஜல தீபம் இந்த புத்தகங்கள் சாண்டில்யன் படைப்புகள்.அகிலனின் சித்திரப் பாவை ரொம்ப நல்ல நாவல் லைப்ராரியில் கிடைத்தால் படித்துப் பாருங்கள் ரேவதி

அன்பு ரேவதி,

பொன்னியின் செல்வனுக்கு இவ்வளவு இரசிகர்களா?

என் உள்ளம் பூரிக்கிறது. மனதில் உவகை பொங்குகிறது.

அடடா, சரித்திர நாவல் படிக்க ஆரம்பிச்சதும் அந்த நடையிலேயே எழுத ஆரம்பிச்சுட்டேன்:)

ரொம்ப ரசிச்சு எழுதியிருக்கீங்க. அருமை.

எத்தனை தடவை இந்த நாவலைப் படிச்சிருக்கேன் என்று கணக்கே இல்லை. இப்ப வாரா வாரம் தொடராகப் படிக்க ஆரம்பிக்கறப்ப இன்னும் ஒரு புதிய சுவையாகத் தெரிகிறது.

எனக்கு வானதி & மணிமேகலை பிடிக்கும். அவங்க ரெண்டு பேரோட பிடிவாதமான காதல் பிடிக்கும். ஆனா மணிமேகலை முடிவு தான் வருத்தமா இருந்தது. நான் படிச்சும் இருக்கேன் Audio கேட்டும் இருக்கேன்.

ரேவ் பொன்னியின்செல்வன் பிரமிப்பு எனக்கும் உண்டு. குதிரைகளின் குளம்பொலியை கேட்பது போலவே தோன்றும் எனக்கு. அற்புதமான நாவல் :)