கறிச்சுண்டைக்காய் கோலா

வழங்கியவர்:

தேதி: December 22, 2014

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

Average: 5 (1 vote)

கிச்சன் குயின் பகுதிக்காக தேர்வு செய்யப்பட்ட திருமதி. சரஸ்வதி அவர்கள் வழங்கியுள்ள கறிச்சுண்டைக்காய் கோலா என்ற குறிப்பு சில மாற்றங்களுடன் இங்கே செய்து காட்டப்பட்டுள்ளது. குறிப்பினை வழங்கிய சரஸ்வதி அவர்களுக்கு நன்றிகள்.

 

கறிச்சுண்டைக்காய் - கால் கப்
கடலைப்பருப்பு - 50 கிராம்
பொடியாக நறுக்கிய வெங்காயம் - ஒன்று
பொடியாக நறுக்கிய தக்காளி - ஒன்று
பொடியாக நறுக்கிய பூண்டு - 7 பற்கள்
பொடியாக நறுக்கிய பச்சை மிளகாய் - ஒன்று
அரைக்க:
தேங்காய் - 3 சில்
சோம்பு - ஒரு தேக்கரண்டி
சீரகம் - ஒரு தேக்கரண்டி
தாளிக்க:
கடுகு, உளுத்தம் பருப்பு - அரை தேக்கரண்டி
பட்டை - சிறிது
கிராம்பு - ஒன்று
மிளகாய்த் தூள் - ஒரு மேசைக்கரண்டி
மல்லித் தூள் - அரை மேசைக்கரண்டி
மஞ்சள் தூள் - அரை தேக்கரண்டி
எண்ணெய் - 2 மேசைக்கரண்டி
உப்பு - தேவைக்கேற்ப


 

குக்கரில் கடலைப்பருப்பைப் போட்டு மூழ்கும் அளவு தண்ணீர் ஊற்றி வேக வைக்கவும். அரைக்கக் கொடுத்துள்ள பொருட்களை அரைத்துக் கொள்ளவும். சுண்டைக்காய்களைக் இரண்டாகக் கீறிவிட்டு, தண்ணீரில் போட்டு வைக்கவும்.
கடாயில் எண்ணெய் ஊற்றி கடுகு, உளுத்தம் பருப்பு, பட்டை, கிராம்பு தாளிக்கவும்.
அதில் நறுக்கிய வெங்காயம், பூண்டு மற்றும் பச்சை மிளகாய் சேர்த்து வதக்கவும்.
வதங்கியதும் தக்காளி சேர்த்து குழையும் வரை வதக்கி, அத்துடன் சுண்டைக்காயைத் தண்ணீரை வடித்துவிட்டுச் சேர்த்து வதக்கவும்.
அதனுடன் தூள் வகைகள் மற்றும் உப்பு சேர்த்து வதக்கவும்.
பிறகு வேக வைத்த கடலைப்பருப்பைச் சேர்த்து, கால் கப் தண்ணீர் ஊற்றி வேகவிடவும்.
காய் வெந்து கலவை கெட்டியானதும், தேங்காய் விழுதினைச் சேர்த்துக் கிளறி 5 நிமிடங்கள் கழித்து இறக்கவும்.
சுவையான கறிச்சுண்டைக்காய் கோலா தயார்.

சுண்டைக்காயில் வற்றல் சுண்டைக்காய் மற்றும் கறிச்சுண்டைக்காய் என‌ 2 வகைகள் உண்டு.

உறுப்பினரது அண்மைக் குறிப்புகள்

இணையான குறிப்புகள்

  • Log in or register to post comments

Comments

mahiarun - December 22, 2014 - 09:52

சுண்டைக்காயில் நான் -வெஜ் சேர்த்த குறிப்போ என்ற ஆர்வத்தில் எட்டிப்பார்த்தேன்! ;)

//சுண்டைக்காயில் வற்றல் சுண்டைக்காய் மற்றும் கறிச்சுண்டைக்காய் என‌ 2 வகைகள் உண்டு.// இப்பொழுதுதான் இந்த 2 வகைகள் பற்றி கேள்விப்படுகிறேன். எப்படி வித்யாசம் கண்டுபிடிப்பது என்று சொன்னால் நன்றாக இருக்கும்!

இதுவரை சுண்டைக்காயில் புளிக்குழம்பு மட்டுமே செய்திருக்கிறேன். வித்யாசமான குறிப்பாக இருக்கிறது. தெளிவான படங்கள், ஆனால் இப்போதைக்கு செய்துபார்க்க முடியாது..சு.வற்றல் இந்தக் குறிப்பிற்கு உதவாது என நினைக்கிறேன்! :)

அன்புடன்,
மகி

Vani Vasu - December 22, 2014 - 13:14

இதுவரை சமைச்சதே இல்ல :) அம்மா சமைச்ச காலத்தில் சாப்பிட்டதோடு சரி. வெள்ளை வெள்ளையா கப்பு வித விதமா வந்திருக்கே.... படங்கள் அழகு செண்பகா.

துணிந்தவர் தோற்றதில்லை!!
தயங்கியவர் வென்றதில்லை!!

அன்புடன்,
வனிதா

balanayagi - December 31, 2014 - 13:54

சூப்பரா இருக்கு. அருமையான‌ டிஷ்

எல்லாம் சில‌ காலம்.....