ஜிஞ்சர் ப்ரெட் ஹவுஸ் - பாகம் 4

தேதி: December 31, 2014

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

5
Average: 5 (4 votes)

 

அலங்கரிக்க :
ஐஸிங் சுகர் - கால் கோப்பை
ஜிஞ்சர்ப்ரெட் மனிதர்கள்
M&M's - 100 கிராம்
100's & 1000's - ஒரு தேக்கரண்டி
க்ளேஸ்ட் ஜிஞ்சர் - 100 கிராம்
சாக்லேட் ஃபிங்கர்ஸ் - ஒரு பாக்கெட் (200 கிராம்)
சாக்லேட் ஹெய்ல்ஸ் - 50 கிராம்
கம்பால் (Gumball) - ஒன்று
மின்ட் லீஃப் ஜூப்ஸ் (Spearmint Leaves) - 100 கிராம்
Silver Cachous - 10 கிராம்
Gold Cachous - 10 கிராம்


 

கதவையும் அதன் மேல் வட்ட வடிவ ஜன்னலையும் வரைந்து கொள்ளவும். (டிப் இல. 4) டிப்பை பேக்கிங்கிற்குச் செங்குத்தாகப் பிடிக்காமல் சரித்துப் பிடித்தால், ஐஸிங் விழாமல் பிடித்துக் கொள்ளும். ஐஸிங் உலரும் முன் இடுக்கியால் மணிகளை வைத்து ஒட்டிவிடவும்.
கூரையிலும் ஒரு வரி மணி ஒட்டிவிடவும். கூரையில் காட்டியுள்ளபடி வளைவுகள் (டிப் இல. 4) வரையவும். இடையில் சிறிது ஐஸிங் வைத்து, M&M எழுத்து இல்லாத பக்கம் வெளியே தெரியுமாறு ஒட்டிக் கொள்ளவும். இடையில் மணிகளையும் ஒட்டிக் கொள்ளவும். (ஓரங்களில் மணிகள் தேவையில்லை). இதே போல மறுபக்கக் கூரையிலும் செய்யவும். (புகைபோக்கி வரும் இடங்களில் மிட்டாய்கள் வைக்கத் தேவையில்லை.)
வீட்டின் முகப்பை, கம்பால் (Gumball), சாக்லேட் ஃபிங்கர்ஸ், M&M's கொண்டு காட்டியுள்ளபடி அலங்கரிக்கவும். (இப்போது ஐஸிங் போதுமான அளவு பார்வையிலிருந்து மறைந்துவிடும்). ஒரு பக்கம் ஜன்னலையும் வரைந்து நிரப்பவும்.
சாக்லேட் ஃபிங்கர்ஸ் நான்கை ஒன்றாக வைத்து, ஒரு பக்கமிருந்து ஒரு செ.மீ வெட்டிவிடவும். இதே போல இன்னும் நான்கு தயாராக்கி எடுக்கவும்.
கூரைச் சரிவுகளில் இவற்றை ஒட்டவும்.
சாக்லேட் ஃபிங்கர்ஸ் ஒட்டுப் போது அவற்றின் பின்பக்கம் ஐஸிங் வைத்து விட்டு ஒட்டுவது சுலபம். நன்கு பிடித்துக் கொள்ளும். பார்வைக்கு நேர்த்தியாகவும் இருக்கும்.
புகைபோக்கிக்கான துண்டுகளைக் காட்டியுள்ள விதமாக இரண்டிரண்டாக ஒட்டிக் காயவிடவும். இறுகும் வரை ஆதாரத்துக்காக, இப்படி ஒரு உயர்ந்த விளிம்பு கொண்ட ட்ரேயில் அல்லது அட்டைப் பெட்டியுள் வைத்திருக்கவும்.
புகைபோக்கியைப் பொருத்தி ஒட்டிவிடவும். கூரையில் நான்கு துண்டுகளும் படும் இடங்களிலும் (துண்டுகளில், கூரையில் அல்ல) ஐஸிங் வைத்து ஒட்டிக் கொள்ளவும். சிறிது நேரம் அசையாமல் பிடித்துக் கொள்ளவும்.
கதவில், T எழுத்தைத் தலைகீழாகப் பிடித்து கைப்பிடி போல ஒட்டவும். மணிகளையும் ஒட்டிவிடவும்.
ஜன்னலின் இருபுறமும் விரும்பியபடி தண்டுகள் (டிப் இல. 1) வரையவும். விரும்பிய நிறங்கள் இரண்டில் ஐந்தைந்து M&M's எடுத்து, இரண்டிரண்டாக வெட்டிக் கொள்ளவும். வெட்டிய மிட்டாய்ப் பாதிகளை பூ வடிவத்தில் ஒட்டவும். மிட்டாயில் ஐஸிங் வைத்து, பிறகு சுவரில் பொருத்தமான இடத்தில் அழுத்தினால் ஒட்டிக் கொள்ளும். மின்ட் லீஃப் மிட்டாய்களை இலைகளாக ஒட்டவும்.
வீட்டின் பக்கங்கள், விளிம்புகள், கூரை எல்லாம் சரியானபடி பூரணப்படுத்தப்பட்டிருக்கிறதா என்பதை ஒருமுறை சரிபார்த்துக் கொண்டு, கூரையிலும் புகைபோக்கியிலும் பனி வடிந்து உறைந்திருப்பது போல (டிப் இல. 27) ஐஸ் செய்துவிடவும்.
கதவிலிருந்து நீண்ட பாதை போல இரண்டு கோடுகள் பைப் செய்து, பாதியாக வெட்டிய M&M's கொண்டு அலங்கரிக்கவும்.
பாதை முழுவதும் சாக்லேட் ஹெய்லை கொட்டிப் பரவிவிடவும். அதன் வெளிப்புறம் ஷேக்கரால் ஐஸிங் சுகரைப் பரவலாகத் தூவவும்.
ஏற்கனவே அலங்கரித்துக் காயவிட்ட ஜிஞ்சர் ப்ரெட் மனிதர்களை விரும்பிய இடத்தில் ஐஸிங் கொண்டு ஒட்டிவிடவும். (எங்காவது ஆதாரம் உள்ள விதமாக ஒட்டுவது நல்லது. நடுவில் நிறுத்தியிருக்கும் பொம்மைக்குப் பின்னால், அது சார்ந்து நிற்க உதவியாகத்தான் செடியைச் செய்திருக்கிறேன்).
மின்ட் லீஃப் மிட்டாய்களை கூம்பு போல அடுக்கி, மேலே ஒவ்வொரு பச்சை நிற M&M வைத்துவிடவும்.
ட்ரே விளிம்பில் மீதி இடங்களுக்கு சாக்லெட் ஃபிங்கர்ஸை வைத்து நிரப்பவும். க்ளேஸ்ட் ஜிஞ்சரைக் குவித்து வைத்தால் பாறை போல் தெரியும். வீட்டுக் கூரையிலும் பாதையின் மேலும் மிக மெல்லிதாக, பனி தூவினாற் போல தெரியும் விதமாக ஷேக்கரைக் கொண்டு ஐஸிங் சுகர் தூவிவிடவும். டீ டவலை நனைத்துப் பிழிந்து விட்டு, ட்ரே ஓரங்களைத் துடைத்து விட்டால் அழகான ஜிஞ்சர் ப்ரெட் வீடு கிடைக்கும்.

முதல் பகுதிக்கான லிங்க் : <a href = "/tamil/node/30265"> ஜிஞ்சர் ப்ரெட் ஹவுஸ் - பாகம் 1 </a>

இரண்டாவது பகுதிக்கான லிங்க் : <a href = "/tamil/node/30266"> ஜிஞ்சர் ப்ரெட் ஹவுஸ் - பாகம் 2 </a>

மூன்றாவது பகுதிக்கான லிங்க் : <a href = "/tamil/node/30267"> ஜிஞ்சர் ப்ரெட் ஹவுஸ் - பாகம் 3 </a>


உறுப்பினரது அண்மைக் குறிப்புகள்

இணையான குறிப்புகள்


Comments

புது வருடத்தின் முதல் கிச்சன் குயின் இம்மாமாவுக்கு மனம் நிறைந்த நல் வாழ்த்துகள் :)
ப்ரெட் ஹவுஸ் செம்ம சூப்பர்ம்மா ரொம்ப பொருமை உங்களுக்கு சான்சே இல்ல போங்க :)

நட்புடன்,
சுவர்ணா விஜயகுமார் :)

இதுவும் கடந்து போகும்.

//புத்தாண்டு முதல் தின சிறப்பு குறிப்புகளாக// ப்ளசன்ட் சர்ப்ரைஸ். :-) எதிர்பார்க்கவே இல்லை. என் புது வருடத்தை இனிமையாக, புதுமையாக ஆரம்பித்து வைத்திருக்கிறீர்கள். இன்றைய நாளில் எனக்குக் கிடைத்த மிகச் சிறப்பான பரிசு இதுதான். வாழ்க்கையில் எப்பொழுதுமே மறக்க முடியாத பரிசு. உங்கள் அனைவருக்கும் என் அன்பு நன்றிகள்.

இந்த வருடம் எனக்கு எத்தனை சிறப்பாக ஆரம்பித்துள்ளதோ அதை விட அதிக சிறப்பாக, மகிழ்ச்சியாக உங்களனைவரது இன்றைய நாளும் தொடர்ந்து வரும் நாட்களும் அமைய என் மனம்கனிந்த புத்தாண்டு வாழ்த்துக்கள்.

‍- இமா க்றிஸ்

நீளமான குறிப்பு. பல சமயம் விருந்தாளியாக வந்திருந்த தோழரோடு பேசிக்கொண்டேதான் தட்டச்சு செய்ய வேண்டி இருந்தது. மீதி வேளைகளில் தூங்கிக் கொண்டே தட்டினேன். நிறையத் தப்பு இருந்திருக்கும். பொறுமையாகப் படித்து, அழகாக எடிட் செய்தவர்களுக்கு ஒரு ஸ்பெஷல் சல்யூட். :-)

‍- இமா க்றிஸ்

ப்ரெட் ஹவுஸ் மிகவும் அருமை. கடைசி படம் மிகவும் அழகு. வாழ்த்துக்கள்.

அன்புடன்
பாரதி வெங்கட்

நாலு பகுதிகளையும் பொறுமையா, கவனமா படிச்சுப்பார்த்துட்டேன் இமா! [அது மட்டும்தானே என்னால செய்ய முடியும்? ஹிஹி! ;)]
இப்ப என் கருத்து..

"வாவ்!!!"
.....
...
..
இதுக்கு மேல சொல்ல வார்த்தைகள் கிடைக்கல. :) எங்க 'சின்னப் பொம்பிளை' ஸ்கூலுக்கு போகும் வயசில நியூஸி. யை காலி பண்ணிட்டு எல்லாரும் எங்க பக்கத்து வீட்டுக்கு குடி வந்துரணும், டீல்?? ;)) :))

புத்தாண்டு வாழ்த்துக்கள்! :)

ஊசிக்குறிப்பு : //இந்த வருடம் எனக்கு எத்தனை சிறப்பாக ஆரம்பித்துள்ளதோ அதை விட அதிக சிறப்பாக, மகிழ்ச்சியாக உங்களனைவரது இன்றைய நாளும் தொடர்ந்து வரும் நாட்களும் அமைய// ஆஹா..இது ரெம்ப;) நல்ல டெக்னிக்கா இருக்கே!!

அன்புடன்,
மகி

கிச்சன் கியூன் இமா அம்மாவிற்கு என் மனமார்ந்த வாழ்த்துகள்.. இப்பொழுது தான் பார்த்தேன் சூப்பர்மா உங்களுக்கு நிகர் நீங்கதான்.. இதை செய்ய எவ்வளவு பொறுமை வேண்டும்.. அவ்வளவு சூப்பர்..சான்சே இல்லை.. கியூட் மா உங்களை மாதிரியே.. என்றும் சகலகலா வள்ளி அடி தூள்ள்ள்ள்ள்ள்..

இதுவும் கடந்து போகும்..

அன்புடன்
ரேவதி உதயகுமார்

சூப்பர்,வியப்பா இருக்கு.அருமை.

(இறைவா!)உன்னையே நாங்கள் வணங்குகிறோம்; உன்னிடமே நாங்கள் உதவியும் தேடுகிறோம்.