வெஜிடபுள் பிரியாணி குருமா

தேதி: January 15, 2015

பரிமாறும் அளவு:

ஆயத்த நேரம்: 10 நிமிடங்கள்

சமைக்கும் நேரம்: 30 நிமிடங்கள்

மொத்த நேரம்: 40 நிமிடங்கள்

3
Average: 3 (2 votes)

 

கேரட், பீன்ஸ், காலிஃப்ளவர் - 150 கிராம்
பச்சை மிளகாய் - 2
வெங்காயம் - பாதி
பூண்டு - 4 பல்
இஞ்சி - பாதி விரல் அளவு
தேங்காய் - கால் பாகம்
உப்பு - தேவைக்கேற்ப
நெய் - சிறிது
பட்டை - ஒன்று
சோம்பு - அரை தேக்கரண்டி
ஏலக்காய் - 2
கிராம்பு - 4
கசகசா - அரை தேக்கரண்டி


 

கசகசாவை சுடுதண்ணீரில் 10 நிமிடம் ஊற வைக்கவும். காய்கறிகளை நன்கு சுத்தம் செய்து கழுவி சிறுத் துண்டுகளாக நறுக்கி, உப்பு சேர்த்து நன்றாக வேக வைக்கவும். தேங்காயைத் துருவி, கசகசா சேர்த்து அரைத்துக் கொள்ளவும்.
வாணலியில் நெய் ஊற்றி வெங்காயம், இஞ்சி, பூண்டு, கொடுக்கப்பட்டுள்ள அளவில் பாதியளவு பட்டை, ஏலக்காய், கிராம்பு, சோம்பு, தக்காளி, பச்சை மிளகாய் சேர்த்து வதக்கவும். ஆறியதும் விழுதாக அரைத்து வைக்கவும்.
அதே வாணலியில் மீதமுள்ள பட்டை, ஏலக்காய், கிராம்பு, சோம்பு தாளித்து, காய்கறிகள் மற்றும் வதக்கி அரைத்த விழுது, உப்பு சேர்த்து நன்கு கொதிக்க வைக்கவும்.
காய்கறிகள் மசாலாவுடன் சேர்ந்து வெந்ததும், தேங்காய் விழுது சேர்த்து 2 கொதி வரும் வரை வைத்திருந்து இறக்கவும்.
சுவையான வெஜிடபுள் பிரியாணி குருமா தயார்


உறுப்பினரது அண்மைக் குறிப்புகள்

இணையான குறிப்புகள்


Comments

எனது குறிப்பை வெளியிட்ட அட்மின்,குழுவினர்க்கும் நன்றி.
குறிப்பை வழங்கிய அறுசுவை குழுவினர்க்கும் நன்றி..

என்றும் அன்புடன்,
கவிதா