Name: எண்ணெய் கத்தரிக்காய் குழம்பு
Prep time: 15 min
Cook time: 25 min
Total time: 40 min
Yield: 4 நபர்கள்
Cuisine: சைவம், மதுரை

வழங்கியவர்: அபிராஜசேகர்

தேதி: March 9, 2016

பரிமாறும் அளவு: 4 நபர்கள்

ஆயத்த நேரம்: 15 நிமிடங்கள்

சமைக்கும் நேரம்: 25 நிமிடங்கள்

மொத்த நேரம்: 40 நிமிடங்கள்

கத்தரிக்காய் -1/4 கிலோ
சின்ன வெங்காயம் - 15
தக்காளி - 2
தேங்காய் - அரை மூடி (சிறியது)
பூண்டு - 10 பல்
கடுகு - 1/2 தேக்கரண்டி
வெந்தயம் - 1/2 தேக்கரண்டி
புளிக்குழம்பு பொடி - 4 தேக்கரண்டி
புளி தண்ணீர் - 2 கப்
நல்லெண்ணெய் - 2 தேக்கரண்டி
கருவேப்பிலை - 1 ஆர்க்கு
உப்பு - தேவைக்கேற்ப

தேவையானப் பொருட்களை தயாராக வைத்து கொள்ளவும். பூண்டை தட்டி வைத்து கொள்ளவும். வெங்காயத்தில் பாதியை மட்டும் இரண்டாக வெட்டி கொள்ளவும். கத்தரிக்காய்களை மேலாக ஒரு கீறல் மற்றும் கீழ் பகுதியில் ஒரு கீறலாக கீறி கொள்ளவும்.

வாணலியில் எண்ணெய் ஊற்றி வெட்டாத வெங்காயம் மற்றும் தக்காளியை வதக்கி கொள்ளவும். வதக்கியதை ஆறவிட்டு தேங்காயுடன் சேர்த்து மிக்சியில் அரைத்து கொள்ளவும்.

கத்தரிக்காயில் லேசாக எண்ணெய் விட்டு கொஞ்சம் உப்பு சேர்த்து மைக்ரோவேவில் 4 நிமிடம் வைத்து எடுத்து கொள்ளவும். (பாத்திரத்தில் கூட வதக்கி கொள்ளவும்).

வாணலியில் எண்ணெய் விட்டு கடுகு வெந்தயம் தாளிக்கவும். அடுத்து வெட்டி வைத்த வெங்காயம், கருவேப்பிலை சேர்த்து பொன்னிறமாகும் வரை வதக்கவும்.

வதங்கியதும் தட்டி வைத்த பூண்டை போட்டு வதக்கவும்.

அடுத்து அரைத்து வைத்துள்ள தேங்காய் விழுது சேர்த்து கிளறி விடவும். இதனுடன் குழம்பு பொடி சேர்த்து கிளறவும்.

அடுத்து புளி கரைசல் சேர்த்து, மேலும் சிறிது தண்ணீரும் சேர்த்து தேவையான அளவு உப்பு போட்டு கொதிக்க விடவும்.

குழம்பு கொதித்ததும் கத்தரிக்காய்களை சேர்த்து கொதிக்க விடவும்.

எண்ணெய் மேலாக தெளிந்து வந்ததும் இறக்கவும்.

சுவையான எண்ணெய் கத்தரிக்காய் குழம்பு தயார்.

சுவையான எண்ணெய் கத்தரிக்காய் குழம்பு செய்வது எப்படி என்பதற்கான செய்முறை விளக்கம். ஸ்டெப் பை ஸ்டெப் படங்களுடன் எண்ணெய் கத்தரிக்காய் குழம்பு இங்கே விவரிக்கப்பட்டுள்ளது. தேனி பகுதிகளில் சாம்பார் தவிர மற்ற அனைத்து குழம்பு வகைகளுக்கும் வெங்காயம், தக்காளி வதக்கி தேங்காயுடன் அரைத்து தான் செய்வார்கள். இப்படி வதக்கி அரைத்து செய்வதால் குழம்பு கெட்டியாக வரும். ருசியும் நன்றாக இருக்கும்.

உறுப்பினரது அண்மைக் குறிப்புகள்

ஆரஞ்சு ஐஸ்

அபிராஜசேகர்

அபிராஜசேகர்

அபிராஜசேகர்

அபிராஜசேகர்

அபிராஜசேகர்

கோவை அங்கண்ணன் பிரியாணி

அபிராஜசேகர்

இணையான குறிப்புகள்

கத்தரிக்காய் குழம்பு

கலப்பருப்பு

கத்திரிக்காய் குழம்பு

கத்தரிக்காய் புளிக்குழம்பு

கத்திரிக்காய் முருங்கைகாய் கார குழம்பு

எண்ணெய் கத்திரிக்காய் குழம்பு

வெஜ் கறி குழம்பு

கொள்ளுப் பயறு குழம்பு

கத்தரிக்காய் அவரைக்காய் குழம்பு

கத்தரிக்காய் முருங்கைக்காய் காரக்குழம்பு

Comments

எண்ணெய் கத்தரிக்காய்..

Permalink mahiarun - March 9, 2016 - 08:15

அந்த ப்ளேட்டை அப்படியே இங்கே தள்ளுங்க...Slurp!!! :)

அன்புடன்,
மகி

டீம்

Permalink அபிராஜசேகர் - March 9, 2016 - 18:24

நன்றி டீம் குறிப்புகளை வெளியிட்டதற்கு..

மாற்றம் ஒன்றே மாறாதது

அபி

மகி அக்கா

Permalink அபிராஜசேகர் - March 9, 2016 - 18:23

ரொம்ப நன்றி... இங்க வாங்க சூப்பரா செய்து தரேன்..☺☺

மாற்றம் ஒன்றே மாறாதது

அபி

அபிராஜசேகர்

Permalink Deepa gopal - March 15, 2016 - 15:54

குழம்பு மிகவும் அருமையாக உள்ளது. புளி குழம்பு பொடி எப்படி செய்வது

தீபா

Permalink அபிராஜசேகர் - March 15, 2016 - 19:20

மிக்க நன்றிங்க..எனக்கு குழம்பு பொடி எங்க அம்மா தான் அரைத்து தருவாங்க.. நீங்க சர்ச் பாக்ஸில் புளிக்குழம்பு பொடி, குழம்பு பொடி போட்டு தேடிப்பாருங்க நிறைய வருகிறது.. இங்கே சைடில் வகைகளில் பொடி என இருக்கிறது. அதிலும் எல்லா பொடிகளும் இருக்கும்.. உங்களுக்கு விருப்பமானதை அரைத்துக் கொள்ளலாம்..

மாற்றம் ஒன்றே மாறாதது

அபி

Permalink Deepa gopal - March 15, 2016 - 20:30

நன்றி அபி.,

எண்ணெய் கத்திாிக்காய்

Permalink A.K J.Jaibunnisha - March 26, 2016 - 21:27

எண்ணெய் கத்திாிக்காய் குழம்பு நன்றாக வந்தது்
அபி சிஸ்டா் 2 வது ரெசிபி செயதேன்
நன்றி
ப்ரியங்களுடன்
ஜெய்பு

Jaibunnisha

Permalink அபிராஜசேகர் - March 28, 2016 - 20:23

ட்ரை பண்ணி பார்த்திட்டு சொன்னதற்கு மிக்க நன்றி...

மாற்றம் ஒன்றே மாறாதது

அபி

எண்ணை கத்திரிகாய் குழம்பு

Permalink laxmanraja - May 30, 2016 - 16:41

அருமையான ரெசிபி எனககு பிடித்தமான குழம்பு . நன்றி