உதவுங்கள். please............... கர்ப்பம், ‍ அபார்ஷன், மனவருத்தத்தை போக்க‌ ஆலோசனை சொல்லுங்கள் தோழிகளே...

அனைவருக்கும் வணக்கம். அவ்வப்போது அறுசுவையில் பதிவுகள் போடுவது உண்டு. திருமணமாகி 7 வது ஆண்டு நிறைவடைய‌ போகிறது. திருமணமாகி 3 வருடத்தில் கரு தரித்தேன். ஆனால் 3 மாதத்திற்குள் கரு இதயத்துடிப்பு இல்லாமல் போனதால் அபார்ஷன் செய்து விட்டார்கள். பிறகு நிறைய‌ மருத்துவம். அனுபவம் மட்டுமே கிடைத்தது. பலன் எதுவும் கிடைக்கவில்லை.
6 மாதத்திற்கு முன் ஆல்டர்நேடிவ் மெடிசின் எடுத்துக் கொண்டோம். 2016 டிசம்பர் மாதம் கரு தங்கியது. ஆனால் இதயத்துடிப்பு வரவில்லை என்று இரண்டு முறை, அடுத்தடுத்த‌ வாரங்களில் ஸ்கேன் செய்து பார்த்து சொன்னார்கள். அபார்ஷன் செய்ய மாத்திரையே போதும் என்று சொல்லி விட்டார்கள். போன‌ வாரத்தில் மாத்திரை சாப்பிட்ட‌ போது உடனே பிளீடிங் வந்து விட்டது. பிறகு இரண்டு நாள் முன்பு ஸ்கேன் செய்து பார்த்தபோது ஒரு செ.மீ.க்கும் குறைவான‌ ப்ள்ட் க்ளாட் (நஞ்சு) உள்ளே இருக்கிறது என்றும் இதற்காக‌ ஒரு அபார்ஷன் செய்ய‌ வேண்டாம். மீண்டும் மாத்திரையே போதும் என்றும் கூறி விட்டார்கள். ஆனால் ஒரு வாரத்திற்கு முன்பு மாத்திரை சாப்பிட்ட‌ போது உடனே பிளீடிங் வந்து விட்டது. ஆனால் இப்போது இன்னும் ப்ளீடிங் வரவில்லை. அடுத்த‌ வாரம் மீண்டும் ஸ்கேன் செய்ய‌ வேண்டும். என்ன‌ ஆகும் என்று தெரியவில்லை. என் உடலை நினைத்து கவலை படுவதா அல்லது குழந்தையை நினைத்து வேதனைப்படுவதா என்று தெரியவில்லை.
அலோபதி மெடிசன் எடுக்கும்போது ஐவிஎஃப் தான் செய்ய‌ வேண்டும் என்று சொல்லி விட்டார்கள். ஆனால் மாற்று முறையில் இரண்டாவது முறையும் நார்மலாகத்தானே கரு தரித்து உள்ளது அதனால் கவலைப்படாதே என்று என் கணவர் மற்றும் அம்மா அனைவரும் தேற்றுகிறார்கள். ஆனால் என்னால் வேதனைப்படாமல் இருக்க‌ முடியவில்லை. யாராவது உங்கள் கருத்துக்களை பகிர்ந்த்து கொள்ள‌ வாருங்கள்.
கருத்து பகிர‌ வரும் சகோதரிகளுக்கு நன்றி!